|
|
 |
| (GMT+08:00)
2006-09-05 15:11:45
|
 |
|
ຈີນໄດ້ອົບຮົມພະນັກງານຕ້ານຢາເສບຕິດໃຫ້ລາວ 150 ຄົນແລ້ວ
cri
Author: cai
ຕາມຂ່າວສານຊີນຮວາ:ວັນທີ 4 ກັນຍາ,ພະນັກງານປະຕິບັດກົດໝາຍຕ້ານຢາເສບຕິດ 30 ຄົນທີ່ມາຈາກລາວໄດ້ເລີ່ມອົບຮົມຢູ່ວິທະຍາຄານນາຍຕຳຫຼວດແຂວງຢຸນນານຂອງຈີນ.ນັບມາຮອດປະຈຸບັນ,ຈີນໄດ້ອົບຮົມພະນັກງານປະຕິບັດກົດໝາຍຕ້ານຢາເສບຕິດໃຫ້ລາວລວມ 150 ຄົນແລ້ວ.
ຊຸດອົບຮົມທີ່ພະນັກງານຕ້ານຢາເສບຕິດຂອງລາວເຫຼົ່ານີ້ເຂົ້າຮ່ວມນັ້ນແມ່ນຊຸດທີຫ້າ,ໃນໄລຍະອົບຮົມເປັນເວລາເກືອບ 1 ເດືອນ,ວິທະຍາຄານນາຍຕຳຫຼວດແຂວງຢຸນນານຂອງຈີນຕົ້ນຕໍຈະສອນວິຊາການຕ່າງໆເຊັ່ນ ການຮ່ວມມືລະຫວ່າງຊາດໃນການຕ້ານຢາເສບຕິດ ສະພາບການຢາເສບຕິດທົ່ວໂລກ ການວິເຄາະຍຸດທະສາດຕ້ານຢາເສບຕິດ ການປ້ອງກັນຢາເສບຕິດ ການຄຸ້ມຄອງແລະປາບປາມເປັນຕົ້ນ,ແລະຈະຈັດຕັ້ງຜູ້ອົບຮົມໄປທັດສະນະສຶກສາແລະແລກປ່ຽນຢູ່ສູນຕັດຢາເສບຕິດແລະບ່ອນປາບຢາເສບຕິດ.ນອກນີ້,ຍັງໄດ້ຈັດຫຼັກສູດກັງຟູຈີນ ພາສາຈີນ ການແນະນຳອຸປະກອນຕຳຫຼວດຂອງຈີນໃຫ້ອີກ.
ແຕ່ປີ 2002 ເປັນຕົ້ນມາ,ຈີນເລີ່ມອົບຮົມພະນັກງານປະຕິບັດກົດໝາຍຕ້ານຢາເສບຕິດໃຫ້ລາວຢູ່ວິທະຍາຄານນາຍຕຳຫຼວດແຂວງຢຸນນານຂອງຈີນ, 4 ຊຸດກ່ອນໜ້ານີ້ໄດ້ອົບຮົມພະນັກງານລວມ 120 ຄົນ.
|
|
|
