|
ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ, ເສດຖະກິດຈີນບໍ່ໄດ້ຮີບຮ້ອນເກີນໄປ
cri
Author: mo
ຕາມຂ່າວCRI: ວັນທີ 7 ກັນຍາ, ຢູ່ເມືອງເຊ້ຍເມີນແຂວງຟູຈ້ຽນຈີນ, ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ, ເວົ້າໂດຍລວມແລ້ວ, ເສດຖະກິດຈີນບໍ່ໄດ້ຮີບຮ້ອນເກີນໄປ.
ທ່ານນາງອູອີໃຫ້ທັດສະນະດັ່ງກ່າວໃນງານສົນທະນາບໍລີສັດຂ້າມຊາດຂອງງານພົບປະການຄ້າການລົງທຶນສາກົນຈີນຄັ້ງທີ 10.
ແຕ່ປີນີ້ມາ, ເສດຖະກິດແຫ່ງຊາດຈີນໄດ້ຮັກສາທ່ວງທ່າພັດທະນາອ່າວໄວ, ລາຄາສີນຄ້າອ່າວຕ່ຳແລະການໝູນວຽນຂອງເສດຖະກິດມີປະສິດທິຜົນສູງຂຶ້ນ. ໃນ 6 ເດືອນຕົ້ນປີນີ້, ລວມຍອດຜະລິດຕະພັນພາຍໃນຫຼືGDPຂອງຈີນເພີ່ມຂຶ້ນ 10,9%, ໄວກວ່າໄລຍະດຽວກັນຂອງປີກາຍ 0,9%.
ທ່ານນາງອູອີເຫັນວ່າ, ແຕ່ປີນີ້ມາ, ສະພາບການໂດຍລວມຂອງເສດຖະກິດແຫ່ງຊາດຈີນຂະຫຍາຍຕົວເປັນຢ່າງດີ, ປັດຈຸບັນ, ໃນການໝູນວຽນເສດຖະກິດແຫ່ງຊາດ, ໄດ້ມີບັນຫາຕ່າງໆເຊັ່ນການລົງທຶນແລະການປ່ອຍສີນເຊື່ອໄວເກີນໄປ, ລາຍຮັບກັບລາຍຈ່າຍສາກົນບໍ່ດຸນດ່ຽງກັນເປັນຕົ້ນ, ແຕ່ມັນບໍ່ກະທົບເຖິງພາກສ່ວນໃຫຍ່ການໝູນວຽນຂອງເສດຖະກິດ. ນາງກ່າວວ່າ, ໃນ 6 ເດືອນທ້າຍປີນີ້, ປະສິດທິຜົນຂອງການດັດສົມມະຫາພາກຂອງຈີນຍັງຈະມີຕໍ່ໄປ, ໄພເງິນເຟີ້ຕ່ຳຈະສ້າງສະພາບແວດລ້ອມອັນໂຍະຍານໃຫ້ແກ່ການພັດທະນາເສດຖະກິດມະຫາພາກ. ເມື່ອສັງເກດຈາກໄລຍະຮອບໝູນວຽນຂອງເສດຖະກິດແລ້ວເຫັນວ່າ, ປັດຈຸບັນ, ເສດຖະກິດຈີນຍັງຢູ່ໃນໄລຍະເຕີບໂຕໄວ, ສະພາບການເສດຖະກິດໂລກກໍປະກົດມີທ່ວງທ່າພັດທະນາທີ່ເຕີບໂຕໄວເຊັ່ນກັນ, ນີ້ຈະສະໜັບສະໜູນເສດຖະກິດຈີນພັດທະນາຢ່າງຕໍ່ເນື່ອງ.
|
|
