|
|
 |
| (GMT+08:00)
2006-09-08 20:20:50
|
 |
|
ຂໍ້ກຳນົດໃໝ່ກ່ຽວກັບທຶນຕ່າງປະເທດຊື້ວິສາຫະກິດຈີນບໍ່ແມ່ນຈຳກັດບໍ່ໃຫ້ທຶນຕ່າງປະເທດຊື້ວິສາຫະກິດຈີນ
cri
Author: mo
ຕາມຂ່າວCRI：ຂໍ້ກຳນົດກ່ຽວກັບນັກລົງທຶນຕ່າງປະເທດຊື້ວິສາຫະກິດຈີນສະບັບປັບປຸງໃໝ່ຈະເລີ່ມປະຕິດບັດຢ່າງເປັນທາງການແຕ່ວັນທີ 8 ກັນຍາເປັນຕົ້ນໄປ. ທ່ານເມີຍຊີນຢູ້ ນັກຄົ້ນຄວ້າຂອງກະຊວງການຄ້າຈີນຊີ້ອອກວ່າ, ນີ້ບໍ່ແມ່ນຈຳກັດທຶນຕ່າງປະເທດຊື້ວິສາຫະກິດຈີນ, ຫາກແມ່ນເພີ່ມທະວີການຄຸ້ມຄອງທຶນຕ່າງປະເທດຊື້ວິສາຫະກິດຈີນໃຫ້ເປັນແບບສະບັບ, ຊຸກຍູ້ໃຫ້ມັນພັດທະນາຢ່າງເໝາະສົມແລະດີງາມ. ປັດຈຸບັນ, ຈີນຍັງຄົງໄຂປະຕູສູ່ພາຍນອກຢ່າງຄ່ອຍເປັນຄ່ອຍໄປແລະມີລະບຽບ, ຫລຸດອັດຕາພາສີນຳເຂົ້າໃຫ້ຕ່ຳລົງ, ເພີ່ມຂົງເຂດອະນຸຍາດໃຫ້ທຶນຕ່າງປະເທດເຂົ້າມາ, ສ້າງສະພາບແວດລ້ອມອັນດີງາມທີ່ສະເໝີພາບໃຫ້ແກ່ວິສາຫະກິດຈີນແລະຕ່າງປະເທດ.
ຕາມຊາບວ່າ, ຂໍ້ກຳນົດລາຍນີ້ໄດ້ກຳນົດຢ່າງຈະແຈ້ງຢ່າງເປັນທາງການວ່າທຶນຕ່າງປະເທດສາມາດໃຊ້ວິທີຖືຫຸ້ນມາຊື້ວິສາຫະກິດຈີນ, ພ້ອມທັງກ່າວເນັ້ນວ່າ, ນັກລົງທຶນຕ່າງປະເທດຊື້ວິສາຫະກິດຈີນຕ້ອງສອດຄ່ອງກັບນະໂຍບາຍຕ່າງໆຂອງຈີນເຊັ່ນອຸດສາຫະກຳ ທີ່ດິນແລະການອະນຸລັກສິ່ງແວດລ້ອມເປັນຕົ້ນ.
|
|
|
