|
ທ່ານຖາງເຈຍສຽນຮຽກຮ້ອງໃຫ້ຜູ້ນຳຍີ່ປຸ່ນໃນພາຍໜ້າລົບລ້າງອຸປະສັກທາງການເມືອງທີ່ກະທົບເຖິງການຂະຫຍາຍການພົວພັນຈີນຍີ່ປຸ່ນນັ້ນຢ່າງເຖິງຖອງ
cri
Author: mo
ຕາມຂ່າວສານຊີນຮວາ: ວັນທີ 8 ກັນຍາ ຢູ່ທີ່ປັກກິ່ງ, ທ່ານຖາງເຈຍສຽນ ທີ່ປຶກສາແຫ່ງລັດຈີນກ່າວວ່າ, ຜູ້ນຳຍີ່ປຸ່ນໃນພາຍໜ້າຕ້ອງທຳການຕັດສິນຢ່າງສະຫຼາດ, ລົບລ້າງອຸປະສັກທາງການເມືອງທີ່ກະທົບເຖິງການຂະຫຍາຍການພົວພັນລະຫວ່າງສອງປະເທດນັ້ນຢ່າງເຖິງຖອງ. ບັນຫານີ້ແກ້ໄຂໄດ້ດີແລ້ວ, ຜູ້ນຳສອງປະເທດຟື້ນຟູການໄປມາຫາສູ່ກັນທີ່ຄວນມີນັ້ນຈະບໍ່ມີຄວາມຫຍຸ້ງຍາກຫຍັງ.
ທ່ານຖາງເຈຍສຽນແມ່ນໃຫ້ທັດສະນະດັ່ງກ່າວໃນເວລາພົບປະທ່ານວາຄາບາຢາຊິ ເຊອິໂຈ ຫົວໜ້າສຳນັກຂ່າວສານຈີຈີຍີ່ປຸ່ນພ້ອມດ້ວຍຄະນະ. ທ່ານຊີ້ອອກວ່າ, ຫຼັກໝັ້ນຂອງຝ່າຍຈີນໃນບັນຫາຜູ້ນຳຍີ່ປຸ່ນໄປນະມັດສະການວັດຢາຊືຄູນີນັ້ນແມ່ນສະເໝີຕົ້ນສະເໝີປາຍ ແຈ່ມແຈ້ງ ແລະເດັດດ່ຽວ.
ທ່ານເວົ້າວ່າ, ໃນສະເພາະໜ້ານີ້, ຈະກຳກາລະໂອກາດໄດ້ຫຼືບໍ່, ເພື່ອ ລົບລ້າງອຸປະສັກທາງການເມືອງ, ທັບມ້າງສະພາບບໍ່ໄປບໍ່ມາທາງການເມືອງຂອງການພົວພັນຈີນຍີ່ປຸ່ນນັ້ນແມ່ນບັນຫາສຳຄັນແລະຮີບດ່ວນຢູ່ຕໍ່ໜ້າລັດຖະບານຂອງສອງປະເທດ. ຝ່າຍຈີນມີເຈດຈຳນົງອັນສະເໝີຕົ້ນສະເໝີປາຍວ່າສອງຝ່າຍຄວນໃຊ້ການກະທຳທີ່ສົມຄູ່ກັນ, ຈີນໄດ້ແລະຈະສືບຕໍ່ທຳຄວາມພະຍາຍາມຢ່າງບໍ່ລົດລະເພື່ອເລື່ອງນີ້, ຫວັງໃຫ້ຝ່າຍຍີ່ປຸ່ນກໍທຳຄວາມພະຍາຍາມເຊັ່ນດຽວກັນ.
|
|
