|
|
 |
| (GMT+08:00)
2006-09-08 22:07:07
|
 |
|
ການລົງທຶນຕໍ່ຕ່າງປະເທດຂອງຈີນໄດ້ກາຍເປັນແຫຼ່ງທີ່ແຝງຊ້ອນຢູ່ຂອງການຮ່ວມມືໃຕ້ໃຕ້
cri
Author: mo
ຕາມຂ່າວສານຊີນຮວາ: ວັນທີ 8 ກັນຍາ, ຢູ່ເມືອງເຊ້ຍເມີນ, ທ່ານຄານເດ ຢຸມເຄລາ ຜູ້ອຳນວຍການໃຫຍ່ອົງການພັດທະນາອຸດສາຫະກຳສະຫະປະຊາຊາດກ່າວວ່າ, ການລົງທຶນຕໍ່ຕ່າງປະເທດຂອງຈີນໄດ້ກາຍເປັນແຫຼ່ງທີ່ແຝງຊ້ອນຢູ່ຂອງການຮ່ວມມືໃຕ້ໆ, ປະເທດທີ່ພັດທະນາອ່າວຫຼ້າຫຼັງສາມາດນຳໃຊ້ການລົງທຶນຈາກຈີນ, ສະໜອງພະລັງແຮງໃຫ້ແກ່ອຸດສາຫະກຳລົງສູ່ລວງເລິກແລະຍົກລະດັບເຕັກນິກ.
ທ່ານຄານເດ ຢຸມເຄລາເວົ້າໃນເວທີປາໄສການລົງທຶນສາກົນປີ 2006 ຂອງງານພົບປະສັງສັນການລົງທຶນການຄ້າສາກົນຈີນຄັ້ງທີ 10 ວ່າ, ຈີນບໍ່ພຽງແຕ່ແມ່ນປະເທດຕົ້ນຕໍໃນການຮັບເອົາການລົງທຶນໂດຍກົງຈາກຕ່າງປະເທດເທົ່ານັ້ນ, ຫາກຍັງແມ່ນປະເທດໃຫຍ່ດ້ານການສົ່ງອອກທຶນຮອນອີກດ້ວຍ.
ນອກນີ້, ຂ່າວແຈ້ງວ່າ, ເພື່ອຊຸກຍູ້ໃຫ້ວິສາຫະກິດຈີນລົງທຶນຢູ່ຕ່າງປະເທດໂດຍກົງ, ຈີນຍັງຈະວາງນະໂຍບາຍ ແລະມາດຕະການຕື່ມອີກ, ເພີ່ມການປະສານງານກັບປະເທດອື່ນ, ເພີ່ມຄວາມສະດວກແລະຄວາມສາມາດຮັບປະກັນຂອງການລົງທຶນຕໍ່ຕ່າງປະເທດໂດຍກົງ.
ຂະໜາດເສດຖະກິດຂອງຈີນໄດ້ເປັນທີ 4 ຂອງໂລກແລ້ວ. ໃນຫຼາຍປີມານີ້, ຈີນໄດ້ເຂົ້າສູ່ໄລຍະທີ່ການລົງທຶນຕໍ່ຕ່າງປະເທດເພີ່ມຂຶ້ນຢ່າງວ່ອງໄວ. ນັບມາຮອດທ້າຍປີກາຍນີ້, ມູນຄ່າລົງທຶນສຸດທິຕໍ່ຕ່າງປະເທດໂດຍກົງຂອງຈີນນັບລວມແລ້ວແມ່ນ 57 ຕື້ 200 ລ້ານໂດລາສະຫະລັດ. ຜູ້ຊ່ຽວຊານຄາດຄະເນວ່າ, ໃນ 5 ປີຂ້າງໜ້າ, ຈີນຍັງຈະເພີ່ມມູນຄ່າລົງທຶນສຸດທິຕໍ່ຕ່າງປະເທດໂດຍກົງປະມານ 60 ຕື້ໂດລາສະຫະລັດ.
|
|
|
