ຕາມ​ຂ່າວສານ​ຊິນ​ຮວາ:ວັນ​ທີ10​ກັນຍາ,​ຢູ່​ທີ່​ປັກ​ກິ່ງ,ເຈົ້າ​ໜ້າ​ທີ່​ລັດ​ຖະບານ​ຈີນ​ກ່າວ​ວ່າ,ຈີນ​ພວມພະ​ຍາຍາມ​ລົງມື​ຈາກ​ການ​​ປ່ຽນຮູບ​ການ​ເຕີບ​ໂຕ​ທາງ​ເສດ​ຖະກິດ​ຂອງ​ທ້ອງ​ຖິ່ນ,ແກ້​ໄຂ​ສິ່ງ​ຜູກ​ມັດ​ສອງ​ຢ່າງ​ຄືສິ່ງ​​ແວດ​ລ້ອມ​ແລະ​ຊັບພະ​ຍາ​ກອນທີ່​ມີ​ຕໍ່​ການ​ເຕີບ​ໂຕ​ຂອງເສດ​ຖະກິດ.​

ໃນ"ກອງ​ປະຊຸມ​ສຸດ​ຍອດ​ວິ​ສາ​ຫະກິດ​ຈີນ​ປີ2006",ທ່ານ​ຈາງ​ສຽວ​ຊຽງ ຮອງ​ຫົວໜ້າ​ຄະນະ​ກຳມະ​ການ​​ພັດ​ທະນາ​ແລະປະຕິ​ຮູບ​ແຫ່ງ​ລັດ​ຈີນ​ເວົ້າ​ວ່າ,ລັດ​ຖະບານ​ຈີນ​ພວມຈັດ​ເອົາຕົວ​ເລກ​ຄາດ​ໝາຍ​ທີ່​ມີ​ລັກ​ສະນະ​ຜູກ​ມັດຕ່າງໆ ​ເຊັ່ນ,ສິ່ງ​ແວດ​ລ້ອມ​ແລະ​ຊັບພະ​ຍາກອນ​ ພ້ອມ​ດ້ວຍ ການ​ເຕີບ​​ໂຕ​ຂອງ​​ເສດ​ຖະກິດ​​ໄວ້​ເຂົ້າ​​ໃນລະບົບ​ກວດ​ກາຜົນ​ງານ​ຂອງ​ອຳນາດ​ການ​ປົກຄອງ​ທ້ອງ​ຖິ່ນ.ພ້ອມ​ກັນ​ນັ້ນ,ຈີນ​ຍັງ​ຈະ​ໃຊ້ນະ​ໂຍບາຍການ​ເງິນ,ສ່ວຍ​ສາ​ອາກອນ,ການ​ລົງທຶນ​ແລະ​ລາຄາ​ມາ​ຊຸກ​ຍູ້ການ​ປະຢັດ​ພະລັງ​ງານ.

ລັດຖະ​ບານ​ຈີນໄດ້​ສະເໜີ​ເປົ້າ​ໝາຍ​ຄື,ເມື່ອຮອດ​ປີ2010,ປະລິ​ມານ​ໃຊ້​ພະລັງງານ​ຕໍ່GDP​ແຕ່​ລະ​ຫົວ​ໜ່ວຍ​ຫຼຸດ​ລົງ​20%​ເມື່ອ​ທຽບ​ກັບ​ປີ2005,​ໃນ5​ປີຂ້າງ​ໜ້າ​ນີ້,ພາຍ​ໃຕ້ສະ​ພາບ​ທີ່​ຮັກສາ​​ໃຫ້ເສດ​ຖະກິດ​ເຕີບ​​ໂຕ7,5%ຕໍ່​ປີນັ້ນ,ຍອດ​ປະ​ລິ​ມານລະບາຍ​ວັດຖຸ​​ເຊື່ອມ​ພິດ​ຕົ້ນຕໍຈະຫຼຸດລົງ10%.