|
ໂຄສົກຫ້ອງການວຽກງານໄຕ້ຫວັນຂອງຄະນະລັດຖະບານຈີນກ່າວວ່າ,ການເຂົ້າຮ່ວມສະຫະປະຊາຊາດໃນນາມ"ໄຕ້ຫວັນ"ນັ້ນແມ່ນບາດກ້າວໃໝ່ທີ່ອັນຕະລາຍຂອງອິດທິພົນແບ່ງແຍກໄຕ້ຫວັນເປັນເອກະລາດ
cri
ຕາມຂ່າວສານຊີນຮວາ,ວັນທີ13ກັນຍາ,ໃນກອງປະຊຸມຂ່າວ,ທ່ານຫຼີເວີຍອີ່ ໂຄສົກຫ້ອງການວຽກງານໄຕ້ຫວັນຂອງຄະນະລັດຖະບານຈີນຊີ້ອອກວ່າ,ຜູ້ນຳໄຕ້ຫວັນເຈຕະນາເຂົ້າຮ່ວມສະຫະປະຊາຊາດໃນນາມ"ໄຕ້ຫວັນ"ນັ້ນແມ່ນບາດກ້າວໃໝ່ທີ່ອັນຕະລາຍຂອງເຂົາບົນເສັ້ນທາງແບ່ງແຍກໄຕ້ຫວັນໃຫ້ເປັນເອກະລາດ.
ວັນທີ12ກັນຍາ,ຄະນະກຳມະການວຽກງານທົ່ວໄປຂອງສະມັດຊາໃຫຍ່ສະຫະປະຊາຊາດຄັ້ງທີ61ໄດ້ຈັດກອງປະຊຸມຄັ້ງທຳອິດຢູ່ນິວຢອກ,ເປັນເອກະສັນກັນຕົກລົງປະຕິເສດບໍ່ຈັດເອົາຍັດຕິຂອງປະເທດສ່ວນໜ້ອຍກ່ຽວກັບອັນທີ່ວ່າ"ສິດຕົວແທນຂອງໄຕ້ຫວັນໃນອົງການສະຫະປະຊາຊາດ"ນັ້ນເຂົ້າໃນວາລະປະຊຸມຂອງສະມັດຊາໃຫຍ່ຄັ້ງນີ້.
ໃນເວລາຕອບຄຳຖາມຂອງນັກຂ່າວຢູ່ທີ່ປັກກິ່ງ,ທ່ານຫຼີເວີຍອີ່ເວົ້າວ່າ,ນີ້ສະແດງໃຫ້ເຫັນຢ່າງເຕັມທີ່ວ່າ,ອົງການສະຫະປະຊາຊາດພ້ອມດ້ວຍປະເທດສະມາຊິກອັນໄພສານຍຶດໝັ້ນວ່າໃນໂລກນີ້ມີແຕ່ຈີນດຽວ,ໄຕ້ຫວັນແມ່ນພາກສ່ວນໜຶ່ງຂອງຈີນ,ບໍ່ມີຄຸນວຸດທິເຂົ້າຮ່ວມອົງການສະຫະປະຊາຊາດທີ່ປະກອບດ້ວຍປະເທດອະທິປະໄຕນັ້ນໃນນາມໃດໆຫຼືດ້ວຍຮູບການໃດໆ.
|
|
