|
ພັກກົກມິນຕັງຈີນເວົ້າວ່າ, ການມີຖ້ຽວບິນໂດຍກົງໂດຍໄວແມ່ນຄວາມປາຖະໜາຮ່ວມກັນຂອງສອງຝັ່ງຊ່ອງແຄບ
cri
Author: min
ຕາມຂ່າວສານຊິນຮວາ: ວັນທີ 14 ກັນຍາ, ຢູ່ເມືອງຈຸງກິ່ງ ທາງພາກຕາເວັນຕົກສຽງໃຕ້ຂອງຈີນ, ທ່ານຈ່ຽງປິງຂຸ່ນ ຮອງປະທານພັກກົກມິນຕັງຈີນເວົ້າວ່າ, ການມີຖ້ຽວບິນໂດຍກົງໂດຍໄວແມ່ນຄວາມປາຖະໜາຮ່ວມຂອງສອງຝັ່ງຊ່ອງແຄບ.
ໃນເວທີປາໄສທີ່ຈັດຂຶ້ນໃນມື້ດຽວກັນ, ທ່ານຈ່ຽງປິງຂຸ່ນເວົ້າວ່າ, ຖ້ຽວບິນໂດຍກົງລະຫວ່າງສອງຝັ່ງມີຄວາມໝາຍສຳຄັນຕໍ່ການອຳນວຍຄວາມສະດວກໃຫ້ການໄປມາຫາສູ່ກັນລະຫວ່າງປະຊາຊົນສອງຝັ່ງ, ແລະກໍ່ແມ່ນຄວາມມຸ່ງຫວັງອັນແຮງກ້າຂອງວົງການຕ່າງໆໃນເກາະໄຕ້ຫວັນຕະຫຼອດມາ, ໃນປີມໍ່ໆມານີ້ສຽງຮຽກຮ້ອງຍິ່ງເພີ່ມຂຶ້ນ.
ທ່ານຈ່ຽງປິງຂຸ່ນຍັງເວົ້າວ່າ, ຖ້ຽວບິນໂດຍກົງລະຫວ່າງສອງຝັ່ງສາມາດຫຼຸດຕົ້ນທຶນໃຫ້ຕ່ຳລົງ, ຍົກກຳລັງແຂ່ງຂັນຂອງຜະລິດຕະພັນໄຕ້ຫວັນໃຫ້ສູງຂຶ້ນ. ເວົ້າລວມແລ້ວ, ຖ້ຽວບິນໂດຍກົງລະຫວ່າງສອງຝັ່ງພົວພັນເຖິງການພັດທະນາຂອງເສດຖະກິດການຄ້າລະຫວ່າງສອງຝັ່ງໃນອະນາຄົດ, ຄວາມຫວັງແມ່ນຢາກຊຸກຍູ້ໃຫ້ບັນລຸການບິນໂດຍກົງໂດຍໄວ.
|
|
