|
|
 |
| (GMT+08:00)
2006-09-15 18:33:33
|
 |
|
ທ່ານເວີ່ນເຈ່ຍປາວລີເລີ່ມໃຫ້ປະເທດສະມາຊິກຕ່າງຂອງອົງການຮ່ວມມືຊຽງໄຮ້ເພີ່ມທະວີການຮ່ວມມືຕົວຈິງ
cri
Author: min
ຕາມຂ່າວ CRI: ວັນທີ 15 ກັນຍາ, ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ກ່າວຄຳປາໄສໃນກອງປະຊຸມນາຍົກລັດຖະມົນຕີປະເທດສະມາຊິກອົງການຮ່ວມມືຊຽງໄຮ້ຄັ້ງທີ 5 ທີ່ຈັດຂຶ້ນຢູ່ເມືອງດູຊານແບ ນະຄອນຫຼວງຕັດຈິກິສະຖານ, ລິເລີ່ມໃຫ້ປະເທດຕ່າງໆເພີ່ມທະວີການຮ່ວມມືຕົວຈິງ, ແລະກ່າວເນັ້ນວ່າ, ການກຳຈັດພື້ນຖານສັງຄົມທີ່ພາໃຫ້ເກີດ "ອິດທິກຳລັງ 3 ແງ່", ແລະຮັບປະກັນຄວາມສະຫງົບຍາວນານຂອງພາກພື້ນອາຊີກາງນັ້ນແມ່ນໜ້າທີ່ໃຈກາງຂອງອົງການດັ່ງກ່າວໃນການພັດທະນາຢ່າງປອດໃສແບບຍືນຍົງ.
ທ່ານເວີ່ນເຈ່ຍປາວເວົ້າວ່າ, ປະເທດສະມາຊິກຕ່າງໆຄວນສ້າງເງື່ອນໄຂອັນຈຳເປັນໃນດ້ານຕ່າງໆ, ຄື: ການຊັກນຳຂອງນະໂຍບາຍ, ການຮັບປະກັນດ້ານເງິນທຶນ, ແລະການບໍລິການດ້ານຂໍ້ມູນຂ່າວສານເປັນຕົ້ນ, ເຮັດໃຫ້ການຮ່ວມມືເສດຖະກິດໄດ້ຮັບໝາກຜົນຕົວຈິງຫຼາຍກວ່າເກົ່າ. ທ່ານຍັງສະເໜີໃຫ້ອົງການດັ່ງກ່າວເພີ່ມທະວີການຮ່ວມມືໃນດ້ານການກູ້ໄພສຸກເສີນແລະການປ້ອງກັນປິ່ນປົວພະຍາດຕິດແປດ, ຫາລືການສ້າງກົນໄກຮ່ວມມືດ້ານສາທາລະນະສຸກ.
ທ່ານເວີ່ນເຈ່ຍປາວເວົ້າວ່າ, ຈີນໄດ້ປ່ອຍເງິນກູ້ຝ່າຍຊື້ຂາອອກບູລິມະສິດ 900 ລ້ານໂດລາໃຫ້ອົງການຮ່ວມມືຊຽງໄຮ້ແລ້ວ, ໃນຖານເປັນການເຄື່ອນໄຫວຕາມຫຼັງ, ຝ່າຍຈີນຈະສືບຕໍ່ເພີ່ມການລົງທຶນຕາມຄວາມຄືບໜ້າແລະຄວາມຕ້ອງການຂອງໂຄງການຮ່ວມມືເສດຖະກິດພາຍໃນຂອບຂອງອົງການ.
|
|
|
