|
ສາເຫດທີ່ເຮັດໃຫ້ຜູ້ນຳຈີນຍີ່ປຸ່ນໄປມາຫາສູ່ກັນຢ່າງເປັນປົກກະຕິບໍ່ໄດ້ນັ້ນແມ່ນຍ້ອນຜູ້ນຳຍີ່ປຸ່ນຍຶດໝັ້ນໄປສະມັດສະການວັດຢາຊືຄູນີຢ່າງດື້ດ້ານຫົວແຂງ
cri
Author: cai
ຕາມຂ່າວCRI:ວັນທີ 16 ກັນຍາ,ທ່ານຊີນກ່າງ ໂຄສົກກະຊວງການຕ່າງປະເທດຈີນກ່າວຢ້ຳວ່າ,ປະຈຸບັນ,ການພົວພັນຈີນຍີ່ປຸ່ນໄດ້ປະສົບຄວາມຫຍຸ້ງຍາກ,ຜູ້ນຳສອງປະເທດໄປມາຫາສູ່ກັນຢ່າງເປັນປົກກະຕິບໍ່ໄດ້,ສາເຫດກໍ່ແມ່ນຍ້ອນຜູ້ນຳຍີ່ປຸ່ນຍຶດໝັ້ນໄປນະມັດສະການວັດຢາຊືຄູນີຢ່າງດື້ດ້ານຫົວແຂງ.
ນັກຂ່າວບາງຄົນຖາມວ່າ,ຕາມຂ່າວແຈ້ງວ່າ,ທ່ານຊີນໂຈ ອາເບ ຜູ້ສະໝັກຮັບການເລືອກຕັ້ງເປັນປະທານພັກຈີມີນຍີ່ປຸ່ນທີ່ເຂັ້ມແຂງຈະມາຢ້ຽມຢາມຈີນໃນເດືອນຕຸລາປີນີ້ພາຍຫຼັງດຳລົງຕຳແໜ່ງນາຍົກລັດຖະມົນຕີຊຸດໃໝ່,ດຽວນີ້,ເຈົ້າໜ້າທີ່ການຕ່າງປະເທດຂອງຈີນແລະຍີ່ປຸ່ນພວມທຳການກະກຽມເພື່ອເລື່ອງນີ້.ຂໍໃຫ້ຄຳຢືນຢັນ.
ທ່ານຊີນກ່າງ ໂຄສົກກະຊວງການຕ່າງປະເທດຈີນບໍ່ໄດ້ໃຫ້ຄຳຕອບໂດຍກົງຕໍ່ບັນຫານີ້.ທ່ານເວົ້າແຕ່ວ່າ,ຝ່າຍຈີນເອົາໃຈໃສ່ນຳການຂະຫຍາຍການພົວພັນຮ່ວມມືຢ່າງມີໄມຕີຈິດລະຫວ່າງຈີນຍີ່ປຸ່ນຕະຫຼອດມາ.ຂໍກະແຈໃນສະເພາະໜ້ານີ້ແມ່ນຜູ້ນຳຍີ່ປຸ່ນທຳການວິນິດໄສໂດຍໄວ,ລົບລ້າງອຸປະສັກທາງການເມືອງດັ່ງກ່າວຢ່າງເຖິງຖອງ,ເຮັດໃຫ້ການພົວພັນລະຫວ່າງສອງປະເທດກັບຄືນສູ່ໂຄຈອນຂະຫຍາຍຕົວຢ່າງເປັນປົກກະຕິໂດຍໄວ.ຫຼັກໝັ້ນຂອງຝ່າຍຈີນແມ່ນຈະແຈ້ງແລະເດັດດ່ຽວໜຽວແໜ້ນ.
|
|
