|
ຈີນດຳເນີນການເຄື່ອນໄຫວຕ້ານການລັກລອກແບບ, ໄດ້ຍຸບໃບອະນຸຍາດທຸລະກິດຂອງຮ້ານຂາຍເຄື່ອງສຽງແລະພາບ 300 ກວ່າແຫ່ງ
cri
Author: mo
ຕາມຂ່າວສານຊີນຮວາ: ຈີນພວມດຳເນີນການເຄື່ອນໄຫວຕ້ານການລັກລອກແບບ, ຕັ້ງແຕ່ດຳເນີນການເຄື່ອນໄຫວດັ່ງກ່າວ 2 ເດືອນມານີ້, ພາກສ່ວນທີ່ກ່ຽວຂ້ອງຂອງຈີນໄດ້ຍຸບໃບອະນຸຍາດທຸລະກິດຂອງຮ້ານຂາຍເຄື່ອງສຽງແລະພາບ 360 ກວ່າແຫ່ງໃນ 19 ແຂວງ, ເພື່ອປົກປ້ອງສິດແລະຜົນປະໂຫຍດທີ່ຊອບກົດໝາຍຂອງເຄື່ອງສຽງແລະພາບສະບັບແທ້.
ກາງເດືອນກໍລະກົດປີນີ້, ຈີນໄດ້ດຳເນີນ"ການເຄື່ອນໄຫວຕ້ານການລັກລອກແບບຮ້ອຍມື້", ໃນເວລາປະມານຮ້ອຍມື້, ໄດ້ໂຮມສູນດຳເນີນການເຄື່ອນໄຫວຕ້ານການລັກລອກແບບເຄື່ອງສຽງແລະພາບແລະຊອບແວຄອມພິວເຕີ. ຕາມຕົວເລກທີ່ພາກສ່ວນທີ່ກ່ຽວຂ້ອງປະກາດສະແດງໃຫ້ເຫັນວ່າ, ແຕ່ເດືອນກໍລະກົດຮອດເດືອນສິງຫາ, ຈີນລວມຍຶດໄດ້ສິ່ງພິມທີ່ລັກລອກແບບ 31 ລ້ານ 1 ແສນເຄື່ອງ.
ເຈົ້າໜ້າທີ່ກົມໃຫຍ່ຖະແຫຼງຂ່າວແລະພິມຈຳໜ່າຍຂອງຈີນກ່າວວ່າ, ຈີນໄດ້ຖືການປົກປ້ອງສິດຊັບສິນທາງປັນຍາເປັນຈຸດໜັກຂອງວຽກງານພາຍໃນປະເທດ, ແຕ່ປີນີ້ເປັນຕົ້ນມາ, ຈີນໄດ້ຈັດການເຄື່ອນໄຫວຕ້ານການລັກລອກແບບທີ່ຜິດກົດໝາຍສາມເທື່ອແລ້ວ.
|
|
