ຕາມ​ຂ່າວ​CRI:ວັນ​ທີ18​ກັນ​ຍາ,ເວທີ​ປາ​ໄສ​ຫົວໜ້າ​ຫໍພິ​ພິທະ​ພັນ​ແລະນັກ​ມະນຸດ​ສາດອາຊີ​​​​ໄດ້ໄຂ​ຂຶ້ນ​ຢູ່ເມືອງ​ຄຸນ​ມີ​ງ ​ແຂວງ​ຢຸນນານ ພາກ​ຕາ​ເວັນ​ຕົກສຽງ​ໃຕ້​ຂອງ​ຈີນ.

ເວທີ​ປາ​ໄສ​ຄັ້ງ​ນີ້​ຈະຈັດ​ຂຶ້ນ5​ມື້,ມີ​ຈຸດປະສົງສ້າງ​ເວທີ​​ໃຫ້​ບັນ​ດາ​ຫໍພິ​ພິທະ​ພັນ​ອາຊີ​ດຳ​ເນີນການ​ຮ່ວມ​ມືກັນ​ແລະ​ໃຫ້​ນັກ​ມະ​ນຸດ​ສາດ​ແລກປ່ຽນ​ຄວາມຄິດ​ຄວາມ​ເຫັນ.ຜູ່​ຊ່ຽວຊານ​ແລະ​ນັກ​ປາດ​ຂອງປະ​ເທດ​ແລະ​ເຂດ​ແຄ້ວ​ນ​ເຊັ່ນ,ຈີນ,ຫວຽດ​ນາມ,ລາວ,ກຳປູ​ເຈຍ,ສິງ​ກະ​ໂປ,ສ.ເກົາຫຼີ​ແລະ​ຍີ່​ປຸ່ນ​ເປັນ​ຕົ້ນ​ໄດ້​ເຂົ້າ​ຮ່ວມ​ເວທີ​ປາ​ໄສ​ຄັ້ງ​ນີ້.

ຕາມ​ໄດ້​ຊາບ,​​ໃນ​ໄລຍະ​ເວທີ​ປາ​ໄສ​,ຍັງ​ຈະ​ຈັດ​ງານ​ວາງສະ​ແດງສິ່ງ​ປັ່ນ​ທໍ​​ເຜົ່າ​ໄທ​ລື້​ເຂດ​ລ້ອງ​ແມ່​ນ້ຳຂ​ອງ,ສິ່ງ​ປັ່ນ​ທໍ​ເຜົ່າ​ໄທ​ລື້​ເຂດ​ລ້ອງ​ແມ່​ນ້ຳຂອງ​​ເຊັ່ນ​ຈີນ,ມຽນ​ມາ,ລາວ,​ກຳປູ​ເຈຍ​ແລະ​ຫວຽດ​ນາມ​ເປັນ​ຕົ້ນ​ລວມ​400ກວ່າ​ເຄື່ອງ​ຈະ​ຖືກ​ເອົາ​ມາ​ເຂົ້າ​ຮ່ວມ​ງານ​ວາງສະ​ແດງ,​ເພື່ອ​ສະ​ແດງ​ໂສມ​ໜ້າ​ການ​ຜະລິດ​ແລະ​ຊີວິດ​ການ​ເປັນ​ຢູ່ຂອງ​ຊົນ​ເຜົ່າ​ເຂດ​ລ້ອງ​​ແມ່​ນ້ຳຂອງ.