|
ຜູ້ຊ່ຽວຊານກ່າວວ່າ, ການເກັບຄ່າລິຂະສິດນຳກະລາໂອເກະແມ່ນຄວາມກ້າວໜ້າອີກກ້າວໜຶ່ງຂອງການປົກປ້ອງສິດຊັບສິນທາງປັນຍາຂອງຈີນ
cri
Author: mo
ຕາມຂ່າວສານຊີນຮວາ: ວັນທີ 18 ກັນຍາ, ຢູ່ທີ່ປັກກິ່ງ, ໃນເວລາທ່ານສາສະດາຈານລີວຊຸນຖຽນ ຫົວໜ້າສູນສິດຊັບສິນທາງປັນຍາຂອງມະຫາວິທະຍາປະຊາຊົນຈີນເຂົ້າຮ່ວມລາຍການສຳພາດຂອງເວັບໄຊຊີງຮວານັ້ນ, ທ່ານເວົ້າວ່າ, ໃນໄລຍະມໍ່ໆນີ້, ລັດຈະເກັບຄ່າລິຂະສິດນຳບົດເພງທີ່ກະລາໂອເກະໃຊ້, ນີ້ແມ່ນມາດຕະການອີກລາຍໜຶ່ງຂອງລັດຖະບານຈີນເພື່ອເພີ່ມທະວີການປົກປ້ອງສິດຊັບສິນທາງປັນຍາໃນຂົງເຂດດົນຕີ, ເຊິ່ງສະແດງໃຫ້ເຫັນຄວາມຕັດສິນໃຈຂອງລັດຖະບານຈີນໃນການປົກປ້ອງສິດຊັບສິນທາງປັນຍາ.
ທ່ານລີວຊຸນຖຽນຊີ້ອອກວ່າ, ການເກັບຄ່າລິຂະສິດຂອງບົດປະພັນດົນຕີແມ່ນຮີດສາກົນ.
ປັດຈຸບັນ, ແຜ່ນດິນໃຫຍ່ຈີນມີຮ້ານກະລາໂອເກະປະມານ 1 ແສນຫຼັງ, ສະເລ່ຍແລ້ວ, ແຕ່ລະຫຼັງມີ 10 ຫ້ອງ. ໃນເວລາດົນນານມານີ້, ຮ້ານກະລາໂອເກະເຫຼົ່ານີ້ບໍ່ໄດ້ຈ່າຍຄ່າລິຂະສິດບົດປະພັນດົນຕີຈັກເທື່ອ.
|
|
