|
ຝ່າຍຈີນຂໍໃຫ້ບັນດາຝ່າຍຂອງການເຈລະຈາ 6 ຝ່າຍຈົ່ງຮັກສາຄວາມອົນກັ້ນເພື່ອບໍ່ໃຫ້ສະຖານະການສັບສົນເຂົ້າ
cri
Author: mo
ຕາມຂ່າວCRI：ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງມື້ນີ້, ທ່ານສີນກ່າງ ໂຄສົກກະຊວງການຕ່າງປະເທດຈີນກ່າວວ່າ, ບັນດາຝ່າຍຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີຄວນຮັກສາຄວາມອົນກັ້ນ, ເພື່ອຊຸກຍູ້ໃຫ້ການເຈລະຈາ 6 ຝ່າຍຟື້ນຟູກອງປະຊຸມໂດຍໄວ.
ທ່ານສີນກ່າງແມ່ນໃຫ້ທັດສະນະດັ່ງກ່າວໃນເວລາຕອບບັນຫາກ່ຽວກັບລັດຖະບານຍີ່ປຸ່ນຜ່ານຮັບຮອງມາດຕະການລົງໂທດດ້ານການທະນາຄານຕໍ່ສປປເກົາຫລີໃນມື້ນີ້.
ທ່ານສີນກ່າງເວົ້າວ່າ, ຝ່າຍຈີນມີເຈດຈຳນົງຢ່າງສະເໝີຕົ້ນສະເໝີປາຍໃຫ້ແກ້ໄຂບັນຫາດ້ວຍການສົນທະນາກັນ, ແລະຄັດຄ້ານການລົງໂທດ. ປັດຈຸບັນ, ສະຖານະການແຫຼມເກົາຫຼີສັບສົນແລະສະດຸ້ງໄວ, ຫວັງໃຫ້ບັນດາຝ່າຍທີ່ກ່ຽວຂ້ອງຈົ່ງຮັກສາຄວາມອົດກັ້ນໄວ້ແລະໃຈເຢັນ, ຖືພາກສ່ວນໃຫຍ່ແຫ່ງສັນຕິພາບແລະສະຖຽນລະພາບຂອງແຫຼມເກົາຫລີແລະອາຊີຕາເວັນອອກສຽງເໜືອເປັນແກ່, ປ້ອງກັນບໍ່ໃຫ້ສະຖານະການສັບສົນເຂົ້າອີກ, ຍາດແຍ່ງຟື້ນຟູການເຈລະຈາຄືນໃໝ່ໂດຍໄວ. ທ່ານກ່າວວ່າ, ຝ່າຍຈີນຍັງຄົງເຫັນວ່າ, ການເຈລະຈາ 6 ຝ່າຍແມ່ນຊ່ອງທາງທີ່ບັງເກີດຜົນແລະຕິດແທດຕົວຈິງໃນການແກ້ໄຂບັນຫານິວເຄຼຍຂອງແຫຼມເກົາຫລີ.
|
|
