|
ໂຄສົກກະຊວງການຕ່າງປະເທດຈີນກ່າວວ່າ, ໜ້າທີ່ອັນຮີບດ່ວນໃນສະເພາະໜ້ານີ້ຂອງການພົວພັນລະຫວ່າງຈີນກັບຍີ່ປຸ່ນແມ່ນລົບລ້າງອຸປະສັກທາງການເມືອງທີ່ຂັດຂວາງການຂະຫຍາຍການພົວພັນຂອງສອງປະເທດນັ້ນຢ່າງເຖິງຖອງ
cri
Author: mo
ຕາມຂ່າວCRI: ວັນທີ 21 ກັນຍາ, ຢູ່ທີ່ປັກກິ່ງ, ທ່ານສິນກ່າງ ໂຄສົກກະຊວງການຕ່າງປະເທດຈີນໄດ້ວິຈານການພົວພັນລະຫວ່າງຈີນຍີ່ປຸ່ນວ່າ, ໜ້າທີ່ອັນຮີບດ່ວນໃນສະເພາະໜ້ານີ້ແມ່ນລົບລ້າງອຸປະສັກທີ່ຂັດຂວາງການຂະຫຍາຍການພົວພັນລະຫວ່າງຈີນຍີ່ປຸ່ນ ແລະຂັດຂວາງສອງປະເທດໄປມາຫາສູ່ກັນແລະຮ່ວມມືກັນນັ້ນຢ່າງເຖິງຖອງ, ເຮັດໃຫ້ການພົວພັນຈີນຍີ່ປຸ່ນກັບຄືນສູ່ໂຄຈອນພັດທະນາຢ່າງເປັນປົກກະຕິ.
ວັນທີ 20 ກັນຍາ, ທ່ານອາເບ ຊີນໂຈ ໄດ້ຮັບເລືອກຕັ້ງເປັນປະທານພັກຈີມີນຂອງຍີ່ປຸ່ນ. ກ່ຽວກັບເລື່ອງນີ້, ໃນກອງປະຊຸມຖະແຫຼງຂ່າວ, ທ່ານສິນກ່າງເວົ້າວ່າ, ຝ່າຍຈີນຫວັງໃຫ້ຝ່າຍຍີ່ປຸ່ນໃຊ້ການກະທຳຕົວຈິງ, ເຮັດໃຫ້ຄຳໝັ້ນສັນຍາຂອງເຂົາທີ່ເອົາໃຈໃສການພົວພັນຈີນຍີ່ປຸ່ນ ສຳຫຼວດຕົນເອງແລະຂໍຂະມາໂທດໃນບັນຫາປະຫວັດສາດນັ້ນບັນລຸຜົນເປັນຈິງ, ສ້າງເງື່ອນໄຂໃຫ້ແກ່ການປົວແປງແລະຂະຫຍາຍການພົວພັນລະຫວ່າງຈີນຍີ່ປຸ່ນ. ທ່ານກ່າວເນັ້ນວ່າ, ການແກ້ໄຂບັນຫາປະຫວັດສາດແລະບັນຫາໄຕ້ຫວັນຢ່າງເໝາະສົມແລະຖືກຕ້ອງແມ່ນພື້ນຖານທາງການເມືອງຂອງການພົວພັນຈີນຍີ່ປຸ່ນ.
|
|
