ຕາມ​ຂ່າວCRI:​ເພື່ອ​ກຳຈັດ​ບັນຫາ​ທີ່ເຈົ້າ​ໜ້າ​ທີ່​ກັບ​ພໍ່ຄ້າສົມ​ຮູ້​ຮ່ວມ​ຄິດກັນ​ທຸລະ​ກິດບໍ່​ຖ່ານ​ຫີນ​ຢ່າງຜິດ​ກົດໝາຍ​ນັ້ນຢ່າງ​ບັງ​ເກີດ​ຜົນ,ນັບ​ແຕ່ທ້າ​ຍປີກາຍມາ​ນີ້,ລັດຖະ​ບານ​ຈີນ​ໄດ້​ເພິ່ມ​ທະວີ​ການ​ລົງ​ໂທດ,ປັດຈຸບັນ,ນັບ​ລວມ​ແລ້ວ​,​ໄດ້​ຊຳລະ​ລັດຖະ​ກອນແລະ​ຜູ້​ຮັບຜິດ​ຊອບລັດ​ວິ​ສາ​ຫະກິດທີ່​ມີ​ການ​ກະທຳ​ປະ​ເພດ​ນີ້5300​ກວ່າ​ຄົນ​ແລ້ວ.

ວັນ​ທີ22​ກັນຍາ​,ກະຊວງ​ຕິດຕາມ​ກວດກາ​ຂອງ​ຈີນ,ກົມ​ໃຫຍ່​ຕິດຕາມ​ກວດກາ​ແລະ​ຄຸ້ມ​ຄອງ​ການ​ຜະລິດ​ຢ່າງ​ປອດ​ໄພ​ແຫ່ງ​ຊາດ​ຈີນ​​ແລະ​ອົງການ​ອື່ນໆ​ໄດ້​ເຜີ​ຍ​​ໃຫ້​ຮູ້ສະພາບ​ດັ່ງກ່າວຢູ່​ທີ່​ປັກ​ກິ່ງ.

ໃນ​ຫຼາຍປີ​ມາ​ນີ້,ບັນຫາ​ທີ່ລັດຖະ​ກອນ​ຈີນ​ລົງທຶນ​ຮ່ວມ​ຫຸ້ນ​ເຂົ້າ​ໃນທຸລະ​ກິດ​ບໍ່​ຖ່ານ​ຫີນ​ນັ້ນ​ອ່າວ​ຮຸນ​ແຮງ,ບໍ່​ຖ່ານ​ຫີນ​ທີ່ຜິດ​ກົດ​ໝາຍ​ສ່ວນ​ໜຶ່ງ​ຖື​ອັນ​ນີ້​ເປັນ"ສິ່ງ​ຄ້ຳ​ຊູ",​ຂຸດ​ບໍ່​ແຮ່​ພາຍ​ໃຕ້​ສະພາບ​ທີ່ບໍ່​ມີ​ເງື່ອນ​ໄຂ​ຜະລິດ​ຢ່າງ​ປອດ​ໄພ,ນີ້​ໄດ້​ກາຍ​ເປັນ​ສາ​ເຫດ​ຕົ້ນຕໍ​ຂໍ້​ໜຶ່ງ​ທີ່​ບໍ່​ຖ່ານ​ຫີນ​ໄດ້​ເກີດ​ອຸປະຕິ​ເຫດ​ການ​ຜະລິດ​ເລື້ອຍໆ.

ໃນ​ຕໍ່​​ໜ້າ,ລັດຖະ​ບານ​ຈີນ​ຈະ​ສືບ​ຕໍ່​ກວດ​ກາບັນ​ຫາ​ແບບ​ນີ້​ຢ່າງ​ເຂັ້ມ​ງວດ,​ພ້ອມ​ທັງຈະສ້າງ​ແລະ​ປັບປຸງກົນ​ໄກທີ່​ມີ​ປະສິດທິ​ຜົນ​ຍາວ​ນານທີ່ປ້ອງ​ກັນ​ບໍ່​ໃຫ້​ເກີດບັນ​ຫາ​ແບບ​ນີ້​ນັ້ນ​ໃຫ້​ສົມ​ບູນ​ຂຶ້ນ.