ຕາມ​ຂ່າວ​CRI:ການ​ແຂ່ງ​ລົດຣາລີ​ສາກົນ​ຈີນ-​ອາຊ​ຽນປີ2006​ຈະ​ຈັດ​ຂຶ້ນ​ໃນ​ເດືອນ​ຕຸລາ.

ການ​ແຂ່ງຂັນ​​ເທື່ອ​ນີ້​ໄດ້​ຕົກລົງ​ຈະ​ອອກ​ເດີນ​ທາງ​ຈາກ​ເມືອງ​ນານ​ນີງ ​ເມືອງ​ເອກ​ ເຂດ​ກວາງ​ຊີ​ເຜົ່າ​ຈ້ວງ​ປົກ​ຄອງຕົນ​ເອງ ພາກ​ຕາ​ເວັນ​ຕົກສຽງ​ໃຕ້​ຂອງ​ຈີນ,​ເດີນ​ຜ່ານ6​ປະ​ເທດ​ອາຊຽນ ຄື,ຫວຽດ​ນາມ,ລາວ,​ໄທ,ມາ​ເລ​ເຊຍ,ສິງ​ກະ​ໂປ​ແລະ​ກຳ​ປູ​ເຈຍ,ສຸດ​ທ້າຍ​ກັບ​ຄືນ​ສູ່​ເມື​ອງນານ​ນີງ,​ໄລຍະ​ທາງ​ຂອງການ​​ແຂ່ງຂັນ​ມີ​ທັງ​ໝົດ​​ປະມານ1​ໝື່ນ1​ພັນ​ກິ​ໂລ​ແມັດ,ຄາດ​ວ່າ​ຈະ​​ໃຊ້​ເວລາ20ມື້.​ໃນ​ການ​ແຂ່ງ​ຂັນ,ເມື່ອຂະ​ບວນລົດ​ຮອດ​ປະ​ເທດທີ່​ເຂົ້າ​ຮ່ວມ​ການ​ແຂ່ງຂັນ,ປະ​ເທດ​ນັ້ນ​ກໍ່​ຈະ​ຈັດ​ຕັ້ງ​ລົດ​ແລະ​ຜູ້​ຂັບ​ລົດ​ເຂົ້າ​ຮ່ວມ​ການ​ແຂ່ງຂັນ,​ແລະສຳ​ເລັດ​​ໄລຍະ​ທາງ​ຂອງການ​ແຂ່ງ​ຂັນທີ່​ເຫືຼອ​ນັ້ນກັບ​ທົ່ວຂະ​ບວນລົດ​.

ຕາມ​ໄດ້​ຊາບ,ການ​ແຂ່ງຂັນ​ເທື່ອ​ນີ້​ແມ່ນ​ຈັດ​ຂຶ້ນ​ເພື່ອ​ສົມທົບ​ກັບ​ການເຄື່ອນ​ໄຫວ​ຕ່າງໆ​ຂອງ​ງານ​ເອັກສ​ໂປ​ຈີນ​ອາຊ​ຽນທີ່​ຈະ​ຈັດ​ຂຶ້ນ​ຢູ່​ເມືອງ​ນານ​ນີງ​​ແຕ່​ທ້າຍ​​ເດືອນ​ຕຸລາ​ຫາ​ຕົ້ນ​ເດືອນ​ພະ​ຈິກປີ​ນີ້.