|
ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ຝ່າຍອາເມລິກາຕິຕຽນສະພາບສິດທິມະນຸດຂອງຈີນຢ່າງໄຮ້ສາຍເຫດ
cri
Author: da
ຕາມຂ່າວCRI: ວັນທີ 25 ກັນຍາ ທ່ານຊິນກ່າງ ໂຄສົກກະຊວງການຕ່າງປະເທດຈີນໄດ້ສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ຝ່າຍທີ່ກ່ຽວຂ້ອງຂອງອາເມລິກາປະກາດບົດລາຍງານກ່ຽວກັບຈີນປະຈຳປີ 2006 ,ບິດເບືອນຄວາມຈິງ, ຕິຕຽນສະພາບສິດທິມະນຸດຂອງຈີນຢ່າງໄຮ້ສາຍເຫດ.
ທ່ານຊິນກ່າງເວົ້າວ່າ,ຫວ່າງມໍ່ໆນີ້,ບົດລາຍງານປະຈຳປີທີ່ປະກາດໂດຍອັນທີ່ວ່າ"ຄະນະກຳມະການຈີນພາກສ່ວນບໍລິຫານໃນລັດຖະສະພາ"ອາເມລິກາ ບໍ່ເອົາຫົວຊານຳຄວາມກ້າວໜ້າແລະຜົນງານຂອງຈີນໃນຂົງເຂດສິດທິມະນຸດແລະການສ້າງສາລະບອບກົດໝາຍເປັນຕົ້ນ,ບິດເບືອນຄວາມຈິງ,ຕິຕຽນຢ່າງບໍ່ມີຫຼັກຖານຈັກເມັດຕໍ່ຝ່າຍຈີນໃນດ້ານລະບອບສັງຄົມ ລະບອບຍຸດຕິທຳ ນະໂຍບາຍຊົນເຜົ່າແລະສາສະໜາ ສະພາບສິດທິມະນຸດເປັນຕົ້ນ,ແຊກແຊງວຽກງານພາຍໃນຂອງຈີນຢ່າງຮ້າຍກາດ,ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງແລະຄວາມຄັດຄ້ານຢ່າງເດັດດ່ຽວຕໍ່ເລື່ອງນີ້.
ທ່ານຊິນກ່າງເວົ້າວ່າ,ຝ່າຍຈີນເຕືອນໃຫ້ລັດຖະສະພາອາເມລິກາແລະອົງການທີ່ກ່ຽວຂ້ອງຄວນສຳຫຼວດບັນຫາຂອງຕົນ,ເຊົາແຊກແຊງວຽກງານພາຍໃນຂອງຈີນ,ເຮັດວຽກທີ່ມີຜົນດີຕໍ່ການພົວພັນລະຫວ່າງຈີນກັບອາເມລິກາໃຫ້ຫຼາຍ.ຝ່າຍຈີນທວງໃຫ້ລັດຖະບານອາເມລິກາຈົ່ງປະຕິບັດຫຼັກໝັ້ນອັນເຄັ່ງຂືມຂອງຈີນ,ໃຊ້ມາດຕະການຕົວຈິງລົບລ້າງຜົນສະທ້ອນອັນຊົ່ວຮ້າຍຈາກບົດລາຍງານດັ່ງກ່າວ.
|
|
