|
ຕາມຂ່າວສານຊິນຮວາ:ວັນທີ24 ກັນຍາ,ກອງປະຊຸມເວທີປາໄສສັນຕິພາບສາກົນໄດ້ຈັດຂຶ້ນຢູ່ເມືອງນານກິ່ງ ແຂວງຈ່ຽງຊູ່,ນັກຄົ້ນຄວ້າປະຫວັດສາດຂອງຈີນແລະຕ່າງປະເທດທີ່ເຂົ້າຮ່ວມກອງປະຊຸມກ່າວເນັ້ນວ່າ,ການຮັບຮູ້ປະຫວັດສົງຄາມຢ່າງຖືກຕ້ອງແມ່ນຂໍກະແຈທີ່ເຮັດໃຫ້ອາຊີມີສັນຕິພາບ.
ທ່ານປູພິງ ຫົວໜ້າສະຖາບັນຄົ້ນຄວ້າປະຫວັດສະໄໝມໍ່ຂອງສະພາບັນດິດວິທະຍາສາດສັງຄົມຈີນກ່າວວ່າ,ປະຈຸບັນ,ປັດໄຈສຳຄັນທີ່ສຸດທີ່ຂົ່ມຂູ່ການພັດທະນາໂດຍສັນຕິຂອງອາຊີແມ່ນຍ້ອນມີຄວາມເຫັນແຕກຕ່າງກັນຕໍ່ຄວາມຮັບຮູ້ປະຫວັດສາດ.ການຮັບຮູ້ປະຫວັດສົງຄາມຢ່າງຖືກຕ້ອງແມ່ນສຳຄັນທີ່ສຸດ,ມີແຕ່ຮັບຮູ້ປະຫວັດສົງຄາມຢ່າງຖືກຕ້ອງ,ຮູ້ແຈ້ງໄພພິບັດທີ່ເກີດຂຶ້ນຍ້ອນສົງຄາມນັ້ນແລ້ວ,ຈິ່ງສາມາດຄັດຄ້ານສົງຄາມ,ຖະໜອມຫວງແຫນສັນຕິພາບໃນປັດຈຸບັນ.
ທ່ານຣອນດາ ຄັດຊູອີຈີ ຜູ້ຊ່ຽວຊານຍີ່ປຸ່ນທີ່ຄົ້ນຄວ້າປະຫວັດການສັງຫານໂທດນານກິ່ງກ່າວວ່າ,ຕໍ່ປະຫວັດສົງຄາມ,ຍີ່ປຸ່ນຄວນມີຄວາມຮັບຮູ້ອັນຖືກຕ້ອງ,ນີ້ມີຜົນດີຕໍ່ການໄປມາຫາສູ່ກັນລະຫວ່າງປະຊາຊົນແລະລັດຖະບານລະຫວ່າງສອງປະເທດ.
|
