|
ຕາມຂ່າວcri:ວັນທີ26 ກັນຍາ,ທ່ານສິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຈີນຫວັງໃຫ້ຜູ້ນຳຊຸດໃໝ່ຂອງຍີ່ປຸ່ນທຳຄວາມພະຍາຍາມທີ່ມີລັກສະນະສ້າງສັນເພື່ອປົວແປງແລະຂະຫຍາຍການພົວພັນລະຫວ່າງຈີນຍີ່ປຸ່ນ,ຫວັງໃຫ້ທ່ານນາຍົກລັດຖະມົນຕີຊິນໂຈ ອາເບເປັນເອກະສັນກັນໃນດ້ານກິລິຍາວາຈາກ່ຽວກັບນະໂຍບາຍການຕ່າງປະເທດອາຊີ.
ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ທ່ານສິນກ່າງກ່າວວ່າ,ລັດຖະບານຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນໄມຕີຈິດຖານບ້ານໃກ້ເຮືອນຄຽງແລະຮ່ວມມືກັບຍີ່ປຸ່ນ,ປັດຈຸບັນ,ການພົວພັນລະຫວ່າງຈີນຍີ່ປຸ່ນມີອຸປະສັກ,ຝ່າຍຍີ່ປຸ່ນຮູ້ຈັກຂໍປະເດັ່ນຂອງອຸປະສັກທີ່ສຸດ. ຈີນຍິນດີພ້ອມກັບຍີ່ປຸ່ນທຳຄວາມພະຍາຍາມເພື່ອປົວແປງແລະຂະຫຍາຍການພົວພັນລະຫວ່າງຈີນຍີ່ປຸ່ນ.
ທ່ານສິນກ່າງຊີ້ອອກວ່າ,ໃນບໍ່ເທົ່າໃດປີມານີ້,ຈີນໄດ້ສະເໜີເຈດຈຳນົງສຳຄັນຢ່າງເປັນລະບົບກ່ຽວກັບການປົວແປງແລະຂະຫຍາຍການພົວພັນລະຫວ່າງຈີນຍີ່ປຸ່ນ,ຂໍກະແຈຂອງການແກ້ໄຂບັນຫາແມ່ນເຈດຈຳນົງຢ່າງເປັນລະບົບຂອງຈີນ,ຄວາມພະຍາຍາມຂອງຈີນໄດ້ຮັບຄວາມເຂົ້າໃຈຂອງຍີ່ປຸ່ນແລ້ວຫຼືບໍ່,ແລະຈິດໃຈ"ຖືປະຫວັດເປັນແວ່ນແຍງ,ມຸ້ງໜ້າໄປສູ່ອະນາຄົດ"ທີ່ສ້າງຂຶ້ນຢູ່ລະຫວ່າງຈີນຍີ່ປຸ່ນແລະເອກະສານການເມືອງລະຫວ່າງຈີນຍີ່ປຸ່ນ3ສະບັບຮັບການປະຕິບັດຫຼືບໍ່.
|
