ຕາມ​ຂ່າວສານ​ຊິນ​ຮວາ:ໂຄ​ງການ​ຮັກສາ​ດິນ​​ແລະ​ນ້ຳທີ່​ທະນາຄານ​ໂລກ,ສະຫະພາບ​ເອີ​ລົບ​ແລະ​ລັດຖະບານ​ຈີນ​ຮ່ວມ​ກັນ​ລົງທຶນຈັດ​ເປັນ​​​ເທື່ອ​ທຳ​ອິດ​ນັ້ນໄດ້​ເລິ່ມດຳ​ເນີນ​ຢ່າງ​ເປັນ​ທາງ​ການ​ໃນວັນ​ທີ26​ກັນຍາ

ໂຄງການ​ດັ່ງ​ກ່າວກ່ຽວ​ພັນ​ເຖິງ​ເຂດ​ລ້ອງ​​ແມ່​ນ້ຳ​ໃຫຍ່​ສອງ​ສາຍ,ຄື​ແມ່​ນ້ຳ​ຢາງ​ເຊ​ແລະ​ແມ່​ນ້ຳ​ຈູ່ຈຽງ,ຂອບ​ເຂດ​ປະຕິບັດ​ກວມທັງ37​ເມືອງ​ນ້ອຍ​ຂອງ​ແຂວງ​ຢຸນນານ,​ແຂວງ​ກຸ້ຍ​​ໂຈ່​ວ,​ແຂວງ​ຮູ​ເປ​ແລະ​ນະຄອນ​ຈູງ​ກິ​ງ,​ໂຄງການນີ້​ມີ​ຈຸດປະສົງປ້ອງ​ກັນ​ນ້ຳ​ເຊາະ​ດິນ​ໜີ​ແລະ​ບຳບັດ​ຄວາມທຸກ​ຍາກ​ຢູ່​ເຂດ​ດັ່ງກ່າວ,ຈະ​ລົງທຶນທັງ​ໝົດ200​ລ້ານ​ໂດ​ລາ.

ແຂວງ​ຢຸນນານ,​ແຂວງ​ກຸ້ຍ​​ໂຈ່​ວ,​ແຂວງ​ຮູ​ເປ​ແລະ​ນະຄອນ​ຈູງ​ກິ​ງ​ແມ່ນ​ເຂດ​​ນ້ຳ​ເຊາະ​ດິນ​ໜີ​ຮ້າຍ​ແຮງທີ່ຢູ່​ຍ່ານ​ເໜືອ​ແມ່​ນ້ຳ​ຢາງ​ເຊ​ແລະ​​ແມ່​ນ້ຳ​ຈູ່ຈຽງ,​ເນື້ອ​ທີ່​ນ້ຳ​ເຊາະ​ດິນໜີ​ຂອງ​ເຂດ​ປະຕິບັດ​ໂຄງການ​ກວມ50%ຂຶ້ນ​ໄປ​ຂອງເນື້ອ​ທີ່ດິນທັງ​ໝົດ.

ຕາມການ​ຄຳນວນ,​ໂດຍ​ຜ່ານ​ການປົວ​ແປງ​ພັດທະນາ​ໂດຍສັງ​ລວມ​ໃນ6​ປີ​ຂ້າງ​ໜ້າ,​ເມື່ອ​ໂຄງການ​ດັ່ງກ່າວ​ສຳ​ເລັດ​ແລ້ວ,ສາມາດ​ເຮັດ​​ໃຫ້​ການ​ອະນຸລັກ​ຊີ​ວິພາ​ບ​ແລະ​ການ​ພັດທະນາ​ເສດຖະກິດ​ຂອງເຂດ​ປະຕິ​ບັດໂຄງການ​ເຂົ້າ​ສູ່ການ​ໝູນວຽນ​ໃນ​ແງ່​ດີ.