|
|
 |
| (GMT+08:00)
2006-09-27 16:20:45
|
 |
|
ນັກສຶກສາຂອງ179ປະເທດມາຮຽນຢູ່ຈີນ
cri
ຕາມຂ່າວສານຊີນຮວາ,ປີກາຍນີ້,ລວມມີນັກສຶກສາຈຳນວນ1ແສນ4ໝື່ນຄົນຈາກ179ປະເທດມາຮຽນຢູ່ຈີນ,ແຈກຢາຍຢູ່ຕາມໂຮງຮຽນຊັ້ນສູງແລະອົງການຄົ້ນຄວ້າວິທະຍາສາດແລະການສຶກສາ400ກວ່າແຫ່ງຂອງຈີນ,ເຊິ່ງກວມທຸກຂະແໜງວິຊາຂອງຈີນ.
ວັນທີ26ກັນຍາ,ຢູ່ທີ່ປັກກິ່ງກະຊວງສຶກສາທິການແລະສູນບໍລິການນັກຮຽນນອກຂອງຈີນໄດ້ຈັດງານລ້ຽງສະຫຼອງບຸນໄຫວ້ພະຈັນໃຫ້ແກ່ນັກສຶກສາຕ່າງປະເທດທີ່ມາຮຽນຢູ່ຈີນ,ໄດ້ຈັດອາຫານອັນໂອຊາລົດແລະການສະແດງງິ້ວປັກກິ່ງອັນໜ້າຊົມຕ້ອນຮັບນັກສຶກສາທັງຫຼາຍ.
ທ່ານຊາວກົວຊິ່ງ ຫົວໜ້າກົມຮ່ວມມືແລະແລກປ່ຽນສາກົນຂອງກະຊວງສຶກສາທິການຈີນກ່າວວ່າ,ຈີນມີປະຫວັດສາດແລະວັດທະນະທຳອັນຮຸ່ງເຮືອງຍາວນານ,ເສດຖະກິດກໍພັດທະນາຢ່າງວ່ອງໄວ,ຄຸນນະພາບການສຶກສາຊັ້ນສູງກໍໄດ້ຮັບການຮັບຮູ້ຈາກຕ່າງປະເທດນັບມື້ນັບຫຼາຍ.ດຽວນີ້ຈີນໄດ້ເຊັນສັນຍາກັບ26ປະເທດກ່ຽວກັບການຮັບຮອງໃບປະກາດຊະນິຍະບັດຊຶ່ງກັນແລະກັນ.ທັງນີ້ໄດ້ດຶງດູດເອົາຊາວໜຸ່ມຕ່າງປະເທດນັບມື້ນັບຫຼາຍມາຮຽນຢູ່ຈີນ.
|
|
|
