|
ຕາມຂ່າວສານຊິນຮວາ:ບຸນໄຫວ້ພະຈັນໃກ້ຈະຮອດແລ້ວ,ປີນີ້,ພີ່ນ້ອງຮ່ວມຊາດໄຕ້ຫວັນທີ່ດຳລົງຊີວິດຢູ່ແຜ່ນດິນໃຫຍ່ຈີນສາມາດຂີ່ຍົນເໝົາໃນຍາມບຸນໄຫວ້ພະຈັນລະຫວ່າງສອງຝັ່ງຊ່ອງແຄບກັບຄືນໄຕ້ຫວັນເປັນເທື່ອທຳອິດ,ສ່ວນຍາດພີ່ນ້ອງຂອງພວກເຂົາເຈົ້າພາຍໃນເກາະໄຕ້ຫວັນກໍ່ສາມາດຂີ່ຍົນເໝົາມາຮອດແຜ່ນດິນໃຫຍ່ຈີນ.ການເໝົາຍົນໃນຍາມບຸນໄຫວ້ພະຈັນລະຫວ່າງສອງຝັ່ງຊ່ອງແຄບໄດ້ຮັບຄວາມຊົມເຊີຍຈາກພີ່ນ້ອງຮ່ວມຊາດໄຕ້ຫວັນ.
ທ່ານເຢ້ຮຸ້ຍເຕີ໋ ປະທານສະມາຄົມວິສາຫະກິດທຶນໄຕ້ຫວັນຢູ່ຊຽງໄຮ້ກ່າວວ່າ,ນັບແຕ່ຍົນໂດຍສານການບິນພົນລະເຮືອນໄຕ້ຫວັນຈັດຍົນເໝົາເທື່ອທຳອິດໃນໂອກາດບຸນກຸດຈີນໃນປີ2003,ມາຮອດປີກາຍນີ້,ຍົນເໝົາຂອງສອງຝັ່ງຊອງແຄບໄດ້ບິນສູ່,ແລ້ວປີນີ້,ການເໝົາຍົນຂົນສົ່ງສິນຄ້າແລະການເໝົາຍົນໃນຍາມບຸນໄຫວ້ພະຈັນ,"ສິ່ງກີດຂວາງທາງ"ອາກາດລະຫວ່າງສອງຝັ່ງຊອງແຄບໄຕ້ຫວັນຄ່ອຍໆຖືກກຳຈັດອອກໄປເຊິ່ງເຮັດໃຫ້ພີ່ນ້ອງຮ່ວມຊາດໄຕ້ຫວັນດີອົກດີໃຈເປັນຢ່າງຍິ່ງ.ທ່ານຫຼີມີງ ຮອງປະທານຄະນະມົນຕີສະມາຄົມວິສາຫະກິດໄຕ້ຫວັນຢູ່ປັກກິ່ງກ່າວວ່າ, ການເປີດສາຍການບິນຍົນເໝົາໃນຍາມບຸນໄຫວ້ພະຈັນ,ຈະອຳນວຍຄວາມສະດວກອັນໃຫຍ່ຫຼວງໃຫ້ແກ່ພີ່ນ້ອງຮ່ວມຊາດໄຕ້ຫວັນທີ່ດຳລົງຊີວິດແລະເຮັດວຽກຢູ່ແຜ່ນດິນໃຫຍ່ຈີນ.
|
