|
ຕາມຂ່າວcri:ວັນທີ1 ຕຸລາແມ່ນສາທາລະນະລັດປະຊາຊົນຈີນສ້າງຕັ້ງຂຶ້ນຄົບຮອບ57ປີ,ວັນທີ30 ກັນຍາ,ຢູ່ປັກກິ່ງ,ທ່ານເຈິ່ງຊິ້ງຮົງ ຮອງປະທານປະເທດຈີນໄດ້ພົບປະຄະນະຂອງເຂດບໍລິຫານພິເສດຮົງກົງແລະມາກາວທີ່ມາ ເຂົ້າຮ່ວມການສະສະຫຼອງຢູ່ປັກກິ່ງ.ທ່ານກ່າວວ່າ,ລັດຖະບານຈະພ້ອມກັບພີ່ນ້ອງຮ່ວມຊາດຮົງກົງມາກາວທຳຄວາມພະຍາຍາມເພື່ອບັນລຸຄວາມຈະເລີນຄືນໃໝ່ຂອງປະຊາຊາດຈີນ.
ມື້ດຽວກັນ,ພີ່ນ້ອງຮ່ວມຊາດຮົງກົງມາກາວປະມານໜຶ່ງພັນຄົນໄດ້ເຂົ້າຮ່ວມການພົບປະ.ທ່ານເຈິ່ງຊິ້ງຮົງໄດ້ຕີລາຄາສູງຕໍ່ການພັດນະນາຂອງເຂດບໍລິຫານພິເສດຮົງກົງມາກາວແລະທິດທາງ"ປະເທດດຽວມີສອງລະບອບ".ທ່ານກ່າວວ່າ:
"ພາຍຫຼັງກັບຄືນສູ່ປະເທດຊາດ,ຢູ່ເຂດບໍລິຫານພິເສດຮົງກົງມາກາວ,ເສດຖະກິດພັດທະນາ,ສັງຄົມມີສະຖຽນລະພາບ,ຊີວິດການເປັນຢູ່ຂອງປະຊາຊົນດີຂຶ້ນ,ທິດທາງ"ປະເທດດຽວມີສອງລະບອບ"ໃຫ້ຊາວຮົງກົງປົກຄອງຮົງກົງ","ໃຫ້ຊາວມາກາວປົກຄອງມາກາວ",ປົກຄອງຕົນເອງໃນລະດັບສູງພວມ"ປະຕິບັດຢ່າງຕັ້ງໜ້າ.ຄວາມຈິງໄດ້ຢັນຢືນໃຫ້ເຫັນວ່າ,ຮົງກົງດີງາມ,ມາກາວດີງາມ,ປະເທດຊາດດີງາມ;ເມື່ອປະເທດຊາດດີງາມ,ຮົງກົງມາກາວກໍ່ຈະດີງາມກວ່າເກົ່າ."
ພີ່ນ້ອງຮ່ວມຊາດຮົງກົງມາກາວຫຼາຍຄົນກ່າວວ່າ,ຍິນດີທຳຄວາມພະຍາຍາມຫຼາຍກວ່າເກົ່າເພື່ອຄວາມຈະເລີນຮຸ່ງເຮືອງຂອງປະເທດຊາດຄວາມຈະເລີນຮຸ່ງເຮືອງແລະສະຖຽນລະພາບຖາວອນຂອງຮົງກົງມາກາວ.
|
