|
ການເງິນສູນກາງຈີນຈະໃຊ້ງົບປະມານ 3 ຕື້ຢວນສະໜັບສະໜູນວິສາຫະກິດຂະໜາດກາງແລະນ້ອຍ
cri
Author: min
ຕາມຂ່າວສານຊິນຮວາ: ຫວ່າງມໍ່ໆນີ້, ຢູ່ທີ່ປັກກິ່ງ, ທ່ານຈູ່ຈື້ກ່າງ ລັດຖະມົນຕີຊ່ອຍວ່າການກະຊວງການເງິນຈີນເວົ້າວ່າ, ປີນີ້, ການເງິນສູນກາງຈີນຈະໃຊ້ງົບປະມານສະເພາະ 3 ຕື້ຢວນເພື່ອສະໜັບສະໜູນວິສາຫະກິດຂະໜາດກາງແລະຂະໜາດນ້ອຍສະເພາະເປັນ 3 ຕື້ຢວນ.
ຢູ່ງານສົນທະນາວຽກງານຂອງວິສາຫະກິດຂະໜາດກາງແລະຂະໜາດນ້ອຍລະດັບຊາດ, ທ່ານຈູ່ຈື້ກ່າງເວົ້າວ່າ, ວິສາຫະກິດໃຫຍ່ຍ້ອນມີທ່າແຮງພິເສດ, ການພັດທະນາຂອງເຂົາເຈົ້າຄວນອາໄສຕະຫຼາດຫຼາຍກວ່າ, ແກ້ໄຂບັນຫາດ້ວຍກົນໄກຕະຫຼາດ, ສ່ວນລັດຖະບານຄວນໃຫ້ການຄ້ຳຊູອັນຈຳເປັນໃຫ້ວິສາຫະກິດຂະໜາດກາງແລະຂະໜາດນ້ອຍທີ່ຍັງບໍ່ທັນເຂັ້ມແຂງ. ທ່ານເວົ້າວ່າ, ໃນ 5 ປີຂ້າງໜ້າ, ການເງິນຈະອອກແຮງສ້າງສະພາບແວດລ້ອມພາຍນອກອັນດີໃຫ້ການພັດທະນາຂອງວິສາຫະກິດຂະໜາດກາງແລະຂະໜາດນ້ອຍ, ຄື: ພິຈາລະນາໃຫ້ບູລິມະສິດດ້ານອາກອນອັນຈຳເປັນໃຫ້ວິສາຫະກິດນ້ອຍທີ່ມີກຳໄລໜ້ອຍ, ສ້າງເງື່ອນໄຂດີກວ່າເກົ່າໃຫ້ວິສາຫະກິດຂະໜາດກາງແລະນ້ອຍເພື່ອຊອກທຶນ, ແລະຮັບປະກັນໃຫ້ວິສາຫະກິດລະດັບນີ້ໄດ້ຮັບໃບຈອງຊື້ໃນອັດຕາໃດໜຶ່ງໃນການຈັດຊື້ສິນຄ້າຂອງລັດຖະບານ.
ໃນຖານະເປັນພາກສ່ວນໜຶ່ງທີ່ມີທ່າແຮງບົ່ມຊ້ອນຫຼາຍກວ່າໝູ່ໃນເສດຖະກິດຕະຫຼາດ, ວິສາຫະກິດຂະໜາດກາງແລະນ້ອຍຂອງຈີນໄດ້ສ້າງໂອກາດປະກອບອາຊີບຢ່າງ ຫຼວງຫຼາຍ, ແຕ່ເມື່ອທຽບໃສ່ວິສາຫະກິດໃຫຍ່ແລ້ວ, ພວກເຂົາເຈົ້າປະເຊີນກັບຄວາມຫຍຸ້ງຍາກຫຼາຍຢ່າງ, ເຊັ່ນຂາດເງິນທຶນແລະເຕັກນິກເປັນຕົ້ນ.
|
|
