|
|
 |
| (GMT+08:00)
2006-10-04 20:25:33
|
 |
|
ຈີນເພີ່ມການສະໜັບສະໜູນພະລັງງານທີ່ເກີດໃໝ່ໄດ້
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ກະຊວງການເງິນຂອງຈີນໄດ້ປະກາດເອກະສານສະບັບໜຶ່ງຊີ້ອອກວ່າ,ການເຜີຍແຜ່ນຳໃຊ້ພະລັງງານທີ່ເກີດໃໝ່ໄດ້ຈະໄດ້ຮັບການສະໜັບສະໜູນໂດຍສະເພາະຈາກການເງິນສູນກາງຈີນ,ຈະອຸ້ມຊູສາມຂົງເຂດເປັນພິເສດດ້ວຍຮູບການໃຫ້ທຶນຊ່ວຍເຫຼືອລ້າແລະໃຫ້ເງິນກູ້ດອກເບ້ຍຕ່ຳ,ຄືພະລັງງານທີ່ເກີດໃໝ່ໄດ້ເຊັ່ນນ້ຳມັນກາຊວນຊີວະຊາດເປັນຕົ້ນທີ່ເຂົ້າແທນນ້ຳມັນເຊື້ອໄຟໄດ້;ພະລັງງານທີ່ເກີດໃໝ່ໄດ້ທີ່ນຳໃຊ້ໃນຂົງເຂດສະຖາປັດຕະຍະກຳເຊັ່ນພະລັງງານແສງຕາເວັນ ພະລັງງານຄວາມຮ້ອນຂອງໜ່ວຍໂລກເປັນຕົ້ນພ້ອມທັງພະລັງງານທີ່ເກີດໃໝ່ໄດ້ທີ່ໃຊ້ເຂົ້າໃນການຜະລິດໄຟຟ້າເຊັ່ນພະລັງລົມແລະພະລັງງານແສງຕາເວັນເປັນຕົ້ນ.
ປະຈຸບັນ,ຈີນພວມເພີ່ມການສະໜັບສະໜູນພະລັງງານທີ່ເກີດໃໝ່ໄດ້,ເມື່ອວັນທີ 1 ມັງກອນປີນີ້,ຈີນໄດ້ປະຕິບັດ"ກົດໝາຍວ່າດ້ວຍພະລັງງານທີ່ເກີດໃໝ່ໄດ້".ການປະກາດໃຊ້ເອກະສານສະບັບດັ່ງກ່າວກໍ່ແມ່ນເພື່ອຜັນຂະຫຍາຍກົດໝາຍດັ່ງກ່າວໃຫ້ດີກວ່າເກົ່າ.
|
|
|
