|
|
 |
| (GMT+08:00)
2006-10-06 19:36:34
|
 |
|
ນາຍົກລັດຖະມົນຕີຍີ່ປຸ່ນມາຢ້ຽມຢາມຈີນມີຄວາມໝາຍອັນຕັ້ງໜ້າຕໍ່ການປັບປຸງການພົວພັນຈີນຍີ່ປຸ່ນໃຫ້ດີຂຶ້ນ
cri
Author: cai
ຕາມຂ່າວCRI:ທ່ານຢວນຈົ່ງເຈີ ຜູ້ຊ່ຽວຊານບັນຫາຈີນຍີ່ປຸ່ນຂອງຈີນ ຮອງຫົວໜ້າສຳນັກງານຄົ້ນຄວ້າບັນຫາສາກົນຂອງຈີນເຫັນວ່າ,ການຢ້ຽມຢາມຈີນຂອງທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນທີ່ຈະດຳເນີນໃນໄວໆນີ້,ມີຄວາມໝາຍອັນຕັ້ງໜ້າຕໍ່ການປັບປຸງການພົວພັນຈີນຍີ່ປຸ່ນໃຫ້ດີຂຶ້ນ.
ວັນທີ 6 ຕຸລາ,ໃນເວລາໃຫ້ສຳພາດຕໍ່ນັກຂ່າວວິທະຍຸພວກເຮົາ,ທ່ານຢວນຈົ່ງເຈີຊີ້ອອກວ່າ,ທ່ານຈູນີຊີໂຣ ໂຄອິຊຸມິ ອະດີດນາຍົກລັດຖະມົນຕີຍີ່ປຸ່ນໄດ້ໄປນະມັດສະການວັດຢາຊືຄູນີທີ່ຕັ້ງປ້າຍອາດຊະຍາກອນສົງຄາມຊັ້ນໜຶ່ງໃນສົງຄາມໂລກຄັ້ງທີສອງນັ້ນ 6 ເທື່ອລຽນຕິດຕັ້ງແຕ່ທ່ານໄດ້ຄອງອຳນາດເມື່ອປີ 2001 ເປັນຕົ້ນມາ,ສະນັ້ນ,ການພົວພັນລະຫວ່າງຈີນຍີ່ປຸ່ນຈຶ່ງຕົກຢູ່ໃນສະພາບແຂງກະດ້າງ,ເຮັດໃຫ້ຜູ້ນຳຊັ້ນສູງຂອງສອງປະເທດໄດ້ເຊົາການໄປມາຫາສູ່ກັນເປັນເວລາ 5 ປີເຄິ່ງ.ທ່ານເຫັນວ່າ,ໜ້າທີ່ສຳຄັນກວ່າໝູ່ຂອງການຟື້ນຟູການໄປມາຫາສູ່ກັນລະຫວ່າງຜູ້ນຳຊັ້ນສູງຈີນຍີ່ປຸ່ນນັ້ນແມ່ນການກຳນົດທິດຂະຫຍາຍຕົວຂອງການພົວພັນລະຫວ່າງສອງປະເທດໃນຕໍ່ໜ້າ.
ພ້ອມກັນນັ້ນ,ທ່ານຢວນຈົ່ງເຈີຍັງຊີ້ອອກວ່າ,ໃນບັນຫາ"ນາຍົກລັດຖະມົນຕີໄປນະມັດສະການວັດຢາຊືຄູນີ"ທີ່ພາໃຫ້ການພົວພັນຈີນຍີ່ປຸ່ນຕົກຢູ່ໃນສະພາບແຂງກະດ້າງນັ້ນ,ທ່ານຊິນໂຈ ອາເບບໍ່ໄດ້ສະແດງທ່າທີຢ່າງແຈ່ມແຈ້ງ.ທ່ານເຫັນວ່າ,ຢາກມ້າງສະພາບແຂງກະດ້າງຂອງການພົວພັນລະຫວ່າງຈີນຍີ່ປຸ່ນ,ຕ້ອງການສອງຝ່າຍພະຍາຍາມພ້ອມກັນ,ກຳຈັດອຸປະສັກທາງການເມືອງທີ່ມີຢູ່ໃນປະຈຸບັນ.
|
|
|
