|
ທ່ານຊິນໂຈ ອາເບກ່າວສຳນຶກຜິດຢ່າງເລິກເຊິ່ງຕໍ່ໄພພິບັດອັນໜັກໜ່ວງທີ່ນຳເອົາມາສູ່ປະຊາຊົນອາຊີ
cri
ຕາມຂ່າວສານຊີນຮວາ,ຕອນຄ່ຳວັນທີ8ຕຸລາ,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ,ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນກ່າວວ່າ,ຍີ່ປຸ່ນຕ້ອງປະຕິບັດຕໍ່ປະຫວັດສາດຢ່າງຖືກຕ້ອງ,ແຕ່ກ່ອນຍີ່ປຸ່ນໄດ້ນຳເອົາໄພພິບັດແລະຄວາມທຸກທໍລະມານອັນມະຫາສານມາໃຫ້ແກ່ປະຊາຊົນບັນດາປະເທດອາຊີ,ແລະມີບາດແຜເຫຼືອໄວ້,ພວກເຮົາໄດ້ສຳນຶກຜິດຢ່າງເລິກເຊິ່ງຕໍ່ເລື່ອງນີ້.ບົນພື້ນຖານດັ່ງກ່າວ,ແຕ່ສົງຄາມໂລກຄັ້ງທີ2ສິ້ນສຸດລົງ60ກວ່າປີມານີ້,ຍີ່ປຸ່ນໄດ້ເລືອກເອົາການພັດທະນາໂດຍສັນຕິ,ໃນຕໍ່ໜ້າກໍຍັງຈະຍຶດໝັ້ນຕໍ່ໄປ.
ກ່ຽວກັບການພົວພັນເສດຖະກິດການຄ້າລະຫວ່າງສອງປະເທດ,ທ່ານອາເບກ່າວວ່າ,ການເມືອງແລະເສດຖະກິດກໍເໝືອນດັ່ງ2ລໍ້ລົດແຫ່ງການພົວພັນລະຫວ່າງຍີ່ປຸ່ນ,ຕ້ອງໃຫ້ສອງລໍ້ລົດນີ້ພ້ອມກັນປິ່ນໄປໜ້າ,ຈຶ່ງຈະສາມາດຊຸກຍູ້ການພົວພັນລະຫວ່າງສອງປະເທດໃຫ້ກ້າວຂຶ້ນສູ່ລະດັບສູງກວ່າເກົ່າ.
ທ່ານອາເບໄດ້ເດີນທາງມາຮອດປັກກິ່ງໃນຕອນທ່ຽງວັນທີ8ຕຸລາແລະເລີ່ມຢ້ຽມຢາມຈີນຢ່າງເປັນທາງການຕາມຄຳເຊີນຂອງທ່ານເວິ່ນເຈ່ຍປາວ ນາຍົກລັດຖະມົນຕີຈີນ,ນີ້ແມ່ນທ່ານອາເບມາຢ້ຽມຢາມຈີນເປັນຄັ້ງທຳອິດແຕ່ທ່ານຂຶ້ນຮັບຕຳແໜ່ງນາຍົກລັດຖະມົນຕີເປັນຕົ້ນມາ.ຕອນເຊົ້າວັນທີ9ຕຸລາ,ທ່ານອາເບໄດ້ອອກຈາກປັກກິ່ງໄປຢ້ຽມຢາມສ.ເກົາຫຼີ.
|
|
