|
|
 |
| (GMT+08:00)
2006-10-09 21:33:56
|
 |
|
ຈີນຈະພັດທະນາແລະນຳໃຊ້ຊັບພະຍາກອນນ້ຳບາດານຢ່າງສົມເຫດສົມຜົນ
cri
Author: da
ຕາມຂ່າວCRI:ວັນທີ 9 ຕຸລາ ຢູ່ປັກກິ່ງ ທ່ານລີຢວນ ຮອງລັດຖະມົນຕີຊ່ວຍວ່າການກະຊວງຊັບພະຍາກອນທີ່ດິນແຫ່ງລັດຈີນເວົ້າວ່າ,ຕໍ່ໄປ ຈີນຈະພັດທະນາແລະນຳໃຊ້ຊັບພະຍາກອນນ້ຳບາດານຢ່າງສົມເຫດສົມຜົນ,ເພື່ອຜ່ອນຄາຍຄວາມຂັດແຍ່ງລະຫວ່າງການສະໜອງກັບຄວາມຕ້ອງການຊັບພະຍາກອນນ້ຳ.
ທ່ານລີຢວນໄດ້ໃຫ້ຄວາມເວົ້າດັ່ງກ່າວໃນກອງປະຊຸມທໍລະນີອຸທົກກະສາດສາກົນຄັ້ງທີ 34 ທີ່ຈັດຂຶ້ນໃນມື້ດຽວກັນ.ຕາມແນະນຳວ່າ,ຈີນແມ່ນປະເທດທີ່ຊັບພະຍາກອນນ້ຳແຈາຢາຍບໍ່ສະໝ່ຳສະເໝີກັນທີ່ສຸດ,ໂດຍສະເພາະແມ່ນເຂດພາກເໜືອຂາດເຂີນຊັບພະຍາກອນນ້ຳຢ່າງໜັກໜ່ວງ.ທ່ານລີຢວນເວົ້າວ່າ,ຕໍ່ໄປ ຈີນຈະປັບປຸງເຕັກນິກແລະວິທີວັກແທກນ້ຳບາດານໃຫ້ດີຂຶ້ນເປັນກ້າວໆ,ເພື່ອກຳສະພາບການຂອງນ້ຳບາດານ,ສະໜອງສິ່ງອາໄສທາງວິທະຍາສາດໃຫ້ແກ່ການພັດທະນາຊັບພະຍາກອນນ້ຳບາດານ.
ຕາມໄດ້ຊາບ,ນ້ຳບາດານຂອງຈີນກວມຊັບພະຍາກອນນ້ຳເຖິງ 1 ສ່ວນ 3,ຄຸນນະພາບຂອງນ້ຳບາດານໃນດ້ານກວມລວມແມ່ນອ່າວດີຢູ່,ຫຼາຍກວ່າ 60% ແມ່ນກິນໄດ້. ນ້ຳບາດານໄດ້ກາຍເປັນຊັບພະຍາກອນທຳມະຊາດທີ່ສຳຄັນຂອງຈີນໃນການຮັບປະກັນຊີວິດການເປັນຢູ່ແລະການຜະລິດຂອງປະຊາຊົນໃນຕົວເມືອງແລະຊົນນະບົດ,ແລະສະໜັບສະໜູນການພັດທະນາເສດຖະກິດສັງຄົມແບບຍືນຍົງ.
|
|
|
