|
|
 |
| (GMT+08:00)
2006-10-10 21:12:41
|
 |
|
ເວທີປາໄສຂັ້ນສູງເຂດການຄ້າເສລີຈີນ-ອາຊຽນຄັ້ງທີ 3 ຈັດຂຶ້ນຢູ່ປັກກິ່ງ
cri
Author: cai
ຕາມຂ່າວCRI:ວັນທີ 10 ຕຸລາ,ເວທີປາໄສຂັ້ນສູງເຂດການຄ້າເສລີຈີນ-ອາຊຽນຄັ້ງທີ 3 ໄດ້ຈັດຂຶ້ນຢູ່ປັກກິ່ງເປັນເວລາມື້ໜຶ່ງ.
ຫົວຂໍ້ຕົ້ນຕໍຂອງເວທີປາໄສເທື່ອນີ້ແມ່ນ:"ຈີນກັບອາຊຽນ:ໂອກາດໃໝ່ແຫ່ງການຮ່ວມມື".ເອກອັກຄະລັດຖະທູດປະຈຳຈີນຂອງ 9 ປະເທດອາຊີອະຄະເນ ເຈົ້າໜ້າທີ່ຊັ້ນສູງຂອງລັດຖະບານຈີນ ຜູ້ນຳວົງການທຸລະກິດ ຜູ້ຊ່ຽວຊານແລະນັກຂ່າວສື່ມວນຊົນເປັນຕົ້ນປະມານ 170 ຄົນໄດ້ເຂົ້າຮ່ວມເວທີປາໄສເທື່ອນີ້.ຜູ້ຮ່ວມປະຊຸມໄດ້ແລກປ່ຽນແລະຫາລືກັນກ່ຽວກັບບັນຫາຕ່າງໆເຊັ່ນສະພາບປະຈຸບັນແລະການຂະຫຍາຍຕົວຂອງການຮ່ວມມືດ້ານເສດຖະກິດການຄ້າລະຫວ່າງຈີນກັບປະເທດຕ່າງໆຂອງອາຊຽນແລະການຮ່ວມມືລະຫວ່າງວິສາຫະກິດພາຍຫຼັງຈີນກັບອາຊຽນໄດ້ເປີດຕະຫຼາດແລ້ວ.
ໃນເວລາກ່າວຄຳປາໄສໃນເວທີປາໄສດັ່ງກ່າວ,ທ່ານອີນຈົ່ງຮວາ ຮອງຫົວໜ້າກົມສາກົນກະຊວງການຄ້າຈີນເວົ້າວ່າ,ການສ້າງເຂດການຄ້າເສລີຈີນ-ອາຊຽນ,ບໍ່ພຽງແຕ່ຈະຊຸກຍູ້ເສດຖະກິດຂອງຈີນແລະປະເທດຕ່າງໆຂອງອາຊຽນໃຫ້ພັດທະນາຢ່າງຫຼວງຫຼາຍແລະຍົກລະດັບການພົວພັນດ້ານເສດຖະກິດການຄ້າລະຫວ່າງສອງຝ່າຍໃຫ້ສູງຂຶ້ນຕື່ມອີກເທົ່ານັ້ນ,ຍັງຈະຊຸກຍູ້ຂະບວນວິວັດເຊື່ອມໂຍງເສດຖະກິດອາຊີຕາເວັນອອກໃຫ້ເປັນເອກະພາບກັນ,ແລະປະກອບສ່ວນອັນສຳຄັນເຂົ້າໃນການພັດທະນາເສດຖະກິດຂອງອາຊີກໍ່ຄືຂອງໂລກ.
|
|
|
