ຕາມ​ຂ່າວ​ສານ​ຊິນ​ຮວາ:ວັນ​ທີ12 ຕຸລາ,ສຳນັກງານ​ໃຫຍ່​ດ່ານ​ພາສີ​ຈີນ​ປະກາດ​ວ່າ,​ໃນ3​ໄຕ​ມາດ​ທີ່​ຜ່ານ​ມາ​ປີ​ນີ້,ຍອດ​ມູນ​ຄ່າ​ຂາ​ອອກ​ຂາ​ເຂົ້າ​ຂອງການ​ຄ້າ​ກັບ​ຕ່າງປະ​ເທດ​ຂອງ​ຈີນ​ມີ1272ຕື້600ລ້ານ​ໂດ​ລາ,​ໄດ້​ເພີ່ມ​ຂຶ້ນຫຼາຍ​ກວ່າໄລຍະ​ດຽວ​ກັນຂອງ​ປີ​ກາຍ24%ຂຶ້ນ​ໄປ.

ສະຖິຕິ​ສະ​ແດງ​ໃຫ້​ເຫັນ​ວ່າ,ຂາ​ອອກ​ຂາ​ເຂົ້າຂອງ​ຈີນ​ຕໍ່ຄູ່​ການ​ຄ້າ​ຕົ້ນຕໍລ້ວນ​ແຕ່​ຮັກສາ​ທ່ວງທ່າ​ເພີ່ມ​ຂຶ້ນເປັນ​ຢ່າງ​ດີ.​9​ເດືອນ​ທຳ​ອິດ​ຂອງ​ປີ​ນີ້,ສະຫະພາບ​ເອີ​ລົບ​ແລະ​ອາ​ເມ​ລິ​ກາຕ່າງເປັນ​ຄູ່​ການ​ຄ້າ​ໃຫຍ່​ທີ​ໜຶ່ງ​ແລະ​ທີ​ສອງຂອງ​ຈີນ,ຍອດ​ມູນ​ຄ່າ​ການ​ຄ້າ​ສອງ​ຝ່າຍ​ລະຫວ່າງ​ຈີນ​ກັບ​ສະຫະພາບ​ເອີ​ລົບ​ແລະ​ຈີນ​ກັບ​ອາ​ມາ​ລິ​ກາ​ລ້ວນ​ແຕ່​ຫຼາຍ​ກວ່າ190ຕື້​ໂດ​ລາ​,​ເພື່ອ​ຂຶ້ນ​ຫຼາຍ​ກວ່າ20%​​ເມື່ອ​ທຽບ​ກັບໄລຍະ​ດຽວ​ກັນ​ຂອງປີ​ກາຍ.ຍີ່ປຸ່ນ​ເປັນ​ຄູ່ການ​ຄ້າ​ໃຫຍ່​ທີ​ສາມ​ຂອງ​ຈີນ,ມູນ​ຄ່າ​ການ​ຄ້າ​ລະຫວ່າງ​ຈີນ​ຍີ່ປຸ່ນ​ກໍ່​ເພີ່ມ​ຂຶ້ນ​ຫຼາຍ​ກວ່າ10%​ເມື່ອ​ທຽບ​ກັບ​ໄລ​ຍະ​ດຽວ​ກັນ​ຂອງປີ​ກາຍ.

9​ເດືອນ​ປີ​ນີ້,ຍອດ​ມູນ​ຄ່າ​ການ​ຄ້າ​ສອງ​ຝ່າຍ​ລະຫວ່າງ​ຈີນ​ກັບ​ອາຊ​ຽນ​ແມ່ນ116ຕື້300ລ້ານ​ໂດ​ລາ​,​ເພີ່ມ​ຂຶ້ນ​ຫຼາຍ​ກວ່າ20%​ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງປີ​ກາຍ.