|
ຕາມຂ່າວCRI:ວັນທີ13ຕຸລາ,ໃນງານຜີ່ວຂ່າວຕໍ່ສື່ມວນຊົນທີ່ຈັດຂຶ້ນຢູ່ທີ່ປິກກິ່ງ,ນາງທົງສຽວລີງ ທີ່ປຶກສາທູດພະແນກອາຊີກະຊວງການຕ່າງປະເທດຈີນແນະນຳວ່າ,ກອງປະຊຸມສຸດຍອດລະລຶກຈີນ-ອາຊຽນສ້າງການພົວພັນຄູ່ເຈລະຈາຄົບຮອດ15ປີຈະອອກຖະແຫຼງການຮ່ວມ,ວາງແຜນຕໍ່ການຮ່ວມມືລະຫວ່າງສອງຝ່າຍໃນອະນາຄົດ.
ນາງທົງສຽວລີງເວົ້າວ່າ, ກອງປະຊຸມສຸດຍອດລະລຶກຈີນ-ອາຊຽນສ້າງການພົວພັນຄູ່ເຈລະຈາຄົບຮອດ15ປີຈະຈັດຂຶ້ນຢູ່ເມືອງນານນີງໃນວັນທີ30ຕຸລາ,ກອງປະຊຸມຈະຫວນຄືນແລະສະຫຼຸບຂະບວນວິວັດແລະບົດຮຽນທີ່ໄດ້ສຳເລັດຜົນຂອງການພົວພັນໄມຕິຈິດລະຫວ່າງສອງຝ່າຍ,ຈ້ອງມອງແລະວາງແຜນຕໍ່ທິດທາງຂະຫຍາຍຕົວຂອງການພົວພັນຈີນ-ອາຊຽນໃນອະນາຄົດ.ທ່ານເວີນເຈຍປາວ ນາຍົກລັດຖະມົນຕີຈີນແລະຜູ້ນຳ10ປະເທດອາຊຽນຈະເຂົ້າຮ່ວມກອງປະຊຸມແລະລົງນາມໃນຖະແຫຼງການຮ່ວມ.ຖະແຫຼງການດັ່ງກ່າວໄດ້ວາງແຜນຕໍ່ການພົວພັນລະຫວ່າງສອງຝ່າຍໃນອະນາຄົດ,ຊີ້ອອກທິດທາງຂະຫຍາຍຕົວໃນຕໍ່ໜ້ານີ້,ກວມທັງຈະເພິ່ມທະວີການຮ່ວມມືໃນຂົງເຂດການເມືອງ,ຄວາມປອດໄພ,ເສດຖະກິດ,ສັງຄົມ,ວັດທະນະທຳ ພ້ອມທັງ ຂົງເຂດພາກພື້ນແລະສາກົນ.
|
