|
|
 |
| (GMT+08:00)
2006-10-16 18:14:21
|
 |
|
ຈີນມີເຈດຈຳນົງໃຫ້ແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິດ້ວຍການສົນທະນາແລະການເຈລະຈາ
cri
ຕາມຂ່າວCRI, ວັນທີ15ຕຸລາຢູ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຈີນເດັດດ່ຽວຄັດຄ້ານສປປເກົາຫຼີດຳເນີນການທົດລົງນິວເຄຼຍ,ຍຶດໝັ້ນເປົ້າໝາຍທີ່ໃຫ້ແຫຼມເກົາຫຼີປອດນິວເຄຼຍ,ຄັດຄ້ານການແຜ່ຜາຍອາວຸດນິວເຄຼຍ,ມີເຈດຈຳນົງໃຫ້ແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິດ້ວຍການສົນທະນາແລະການເຈລະຈາ,ຮັກສາສັນຕິພາບແລະສະຖຽນລະພາບຂອງແຫຼມເກົາຫຼີກໍຄືຂອງອາຊີຕາເວັນອອກສຽງເໜືອ.
ວັນທີ15ຕຸລາ,ສະພາຄວາມໝັ້ນຄົງສະຫະປະຊາຊາດໄດ້ເປັນເອກະສັນກັນຮັບຮອງມະຕິເລກທີ1718ກ່ຽວກັບບັນຫາສປປເກົາຫຼີດຳເນີນການທົດລອງນິວເຄຼຍ.ກ່ຽວກັບເລື່ອງນີ້,ທ່ານລິວຈ້ຽນຊ່າວກ່າວວ່າ,ຈີນໄດ້ຕັ້ງໜ້າເຂົ້າຮ່ວມການປຶກສາຫາລືກ່ຽວກັບການຮ່າງມະຕິດັ່ງກ່າວໃນສະພາຄວາມໝັ້ນຄົງ.ຈີນມີເຈດຈຳນົງວ່າ,ການກະທຳຂອງສະພາຄວາມໝັ້ນຄົງຕ້ອງສະແດງໃຫ້ເຫັນຫຼັກໝັ້ນອັນໜຽວແໜ້ນຂອງປະຊາຄົມໂລກ,ທັງຄວນສ້າງເງື່ອນໄຂທີ່ດີເພື່ອແກ້ໄຂບັນຫາໂດຍສັນຕິດ້ວຍການສົນທະນາແລະການເຈລະຈາ.ຈີນຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງຮັກສາຄວາມອົດກັ້ນໄວ້ແລະໃຈເຢັນໆ,ພ້ອມກັນສະກັດກັ້ນບໍ່ໃຫ້ສະຖານະການຊຸດໂຊມລົງກວ່າເກົ່າ,ແລະສ້າງໂອກາດໃຫ້ຈັດການເຈລະຈາຫົກຝ່າຍຄືນໃໝ່ໂດຍໄວ.ຈີນຍິນດີພ້ອມກັນກັບຝ່າຍຕ່າງໆທີ່ກ່ຽວຂ້ອງສືບຕໍ່ທຳຄວາມພະຍາຍາມຢ່າງບໍ່ລົດລະ.
|
|
|
