|
ຕາມຂ່າວCRI:ຕອນເຊົ້າວັນທີ20ຕຸລາ,ຢູ່ທີ່ປັກກິ່ງ,ທ່ານຫຼີຈ້າວຊີ່ງ ລັດຖະມົນຕີວ່າການກະຊວງການຕ່າງປະເທດຈີນໄດ້ເຈລະຈາກັບນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ມາຢາມ,ສອງຝ່າຍໄດ້ແຈ້ງຫຼັກໝັ້ນແລະເຈດຈຳນົງຂອງຕົນໃນບັນຫານິວເຄຼຍແຫຼມເກົາຫຼີໃຫ້ກັນຊາບ.ທ່ານຫຼີຈ້າວຊີ່ງຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງດຳເນີນງານຢ່າງຕັ້ງໜ້າເພື່ອຈັດການເຈລະຈາຫົກຝ່າຍຄືນໃໝ່.
ທ່ານເວົ້າວ່າ,ການແກ້ໄຂບັນຫານິວເຄຼຍແຫຼມເກົາຫຼີຕ້ອງເລັງໃສ່ໄລຍະຍາວໄກ,ຝ່າຍຕ່າງໆຄວນຮັບຜິດຊອບໜ້າທີ່ທາງການເມືອງ,ເສີມຂະຫຍາຍສະຕິປັນຍາທາງການເມືອງ,ແກ້ໄນສະຖານະການແຫຼມເກົາຫຼີ,ຕະຫຼອດຮອດບັນຫາຄວາມປອດໄພຂອງພາກພື້ນອາຊີຕາເວັນອອກສຽງເໜືອຢ່າງສຸຂຸມຮອບຄອບແລະໝັ້ນທ່ຽງ.
ນາງໄຣສ໌ກ່າວຢ້ຳວ່າ,ຝ່າຍອາເມລິກາຫວັງໃຫ້ແກ້ໄຂບັນຫານິວເຄຼຍແຫຼມເກົາຫຼີໂດຍຜ່ານວິຖີທາງການທູດ.
ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນກ່ຽວກັບບັນຫານິວເຄຼຍຂອງອີຣານແລະບັນຫາເຂດດາຟູຂອງປະເທດຊູດັງ.
|
