|
ຕາມຂ່າວCRI:ວັນທີ20ຕຸລາ,ຢູ່ທີ່ປັກກິ່ງ,ທ່ານຫູຈິນທາວ ປະທານປະເທດຈີນໄດ້ພົບປະກັບນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ມາຢາມ.
ໃນເວລາພົບປະ,ທ່ານຫູຈິນທາວເວົ້າວ່າ,ຫວ່າງມໍ່ໆນີ້,ທ່ານທາງເຈຍຊວນ ທີ່ປຶກສາແຫ່ງລັດຈີນໄດ້ຢ້ຽມຢາມອາເມລິກາໃນນາມເປັນທູດພິເສດຈາກນັ້ນບໍ່ດົນ,ນາງໄຣສ໌ກໍ່ໄດ້ມາຢ້ຽມຢາມຈີນ,ນີ້ສະແດງໃຫ້ເຫັນວ່າ,ທ່ານປະທານາທິບໍດີ ຈອຈ໌ ບຸສ ກັບ ລັດຖະບານອາເມລິກາເອົາໃຈໃສ່ນຳການຂະຫຍາຍການພົວພັນກັບຈີນ,ແລະກໍ່ສະແດງໃຫ້ເຫັນວ່າ,ໃຕ້ສະພາບການສາກົນທີ່ສັບສົນໃນປັດຈຸບັນ,ອາເມລິກາກັບຈີນປຶກສາຫາລືກັນຢ່າງສະໜິດແໜ້ນກ່ຽວກັບບັນຫາສາກົນແລະພາກພື້ນທີ່ສຳຄັນຈຳນວນໜຶ່ງນັ້ນແມ່ນສຳຄັນທີ່ສຸດ.
ຕອນເຊົ້າມື້ດຽວກັນ,ທ່ານເວີນເຈຍປາວ ນາຍົກລັດຖະມົນຕີຈີນແລະທ່ານທາງເຈຍຊວນ ທີ່ປຶກສາແຫ່ງລັດຈີນຕ່າງໄດ້ພົບປະກັບນາງໄຣສ໌,ທ່ານຫຼີຈ້າວຊີ່ງ ລັດຖະມົນຕີວ່າການກະຊວງການຕ່າງປະເທດຈີນໄດ້ເຈລະຈາກັບນາງໄຣສ໌.
|
