|
|
 |
| (GMT+08:00)
2006-10-22 17:33:54
|
 |
|
ຈີນຍິນດີເພີ່ມທະວີການແລກປ່ຽນແລະຮ່ວມມືໃນຂົງເຂດການສຶກສາກັບ ປະເທດຕ່າງໆໃນອາຊີ
cri
Author: da
ຕາມຂ່າວສານຈີນ: ວັນທີ 21 ຕຸລາ ຢູ່ປັກກິ່ງ ທ່ານໂຈ່ວຈີ້ ລັດຖະມົນຕີວ່າການກະຊວງສຶກສາທິການຈີນເວົ້າວ່າ, ຈີນຍິນດີເພີ່ມທະວີການແລກປ່ຽນແລະຮ່ວມມືໃນຂົງເຂດການສຶກສາກັບປະເທດຕ່າງໆໃນອາຊີ,ເຮັດໃຫ້ຕ່າງຝ່າຍຕ່າງມີຜົນປະໂຫຍດ,ແລະພ້ອມກັນພັດທະນາ.
ທ່ານໂຈ່ວຈີ້ແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມ"ກອງປະຊຸມໂຕະມົນຂອງລັດຖະມົນຕີກະຊວງສຶກສາທິການ"ຂອງເວທີປາໄສປັກກິ່ງກ່ຽວກັບການສຶກສາອາຊີ.
ທ່ານໂຈ່ວຈີ້ເວົ້າວ່າ,ເຈົ້າໜ້າທີ່ຊັ້ນສູງຂອງວົງການການສຶກສາຂອງປະເທດຕ່າງໆໃນອາຊີຄວນຕິດຕໍ່ພົວພັນກັນເລື້ອຍໆ,ສ້າງລະບອບປຶກສາຫາລືລະຫວ່າງສອງຝ່າຍແລະຫຼາຍຝ່າຍ; ຖືມະຫາວິທະຍາໄລສຳຄັນຂອງປະເທດຕ່າງໆເປັນຫຼັກ,ຮ່ວມມືອົບຮົມຜູ້ມີຄວາມຮູ້ຄວາມສາມາດທີ່ມີລະດັບສູງ; ສ້າງລະບອບແລກປ່ຽນນັກວິຊາການແລະນັກສຶກສາ,ດຳເນີນການຫາລືກັນຢ່າງແທ້ຈິງໃນດ້ານແລກປ່ຽນປະລິນຍາລະຫວ່າງລັດຖະບານປະເທດຕ່າງໆໂດຍໄວ, ຊຸກຍູ້ການເຊັນສັນຍາຮັບຮອງປະລິນຍາແລະປະຫວັດການສຶກສາລະຫວ່າງປະເທດອາຊີ.
|
|
|
