|
ອັນທີ່ວ່າ"ຖ້ອຍຄວາມການຂົ່ມຂູ່ຂອງຈີນ"ທີ່ບາງຄົນເປີດປ່າວຢູ່ອາຟຼິການັ້ນບໍ່ສອດຄ່ອງກັບສະພາບປະຈຸບັນຂອງການພົວພັນຈີນອາຟຼິກາ
cri
Author: cai
ຕາມຂ່າວສານຊີນຮວາ:ວັນທີ 23 ຕຸລາ,ຢູ່ປັກກິ່ງ,ໃນເວລາໃຫ້ສຳພາດຕໍ່ນັກຂ່າວ,ທ່ານຖາງເຈ່ຍສວນ ທີ່ປຶກສາແຫ່ງລັດຈີນເວົ້າວ່າ,ການພັດທະນາຂອງຈີນໄດ້ອຳນວຍໂອກາດພັດທະນາຫຼາຍກວ່າເກົ່າໃຫ້ແກ່ປະເທດອາຟຼິກາ.ອັນທີ່ວ່າ"ຖ້ອຍຄວາມການຂົ່ມຂູ່ຂອງຈີນ"ທີ່ບາງຄົນເປີດປ່າວຢູ່ອາຟຼິການັ້ນ,ທັງບໍ່ສອດຄ່ອງກັບຄວາມຈິງໃນປະຫວັດສາດ,ທັງບໍ່ສອດຄ່ອງກັບສະພາບປະຈຸບັນຂອງການພົວພັນຈີນອາຟຼິກາ.
ທ່ານຖາງເຈ່ຍສວນເວົ້າວ່າ,ການພັດທະນາຂອງຈີນໄດ້ອຳນວຍຕະຫຼາດສົ່ງອອກທີ່ກວ້າງຂວາງກວ່າເກົ່າໃຫ້ແກ່ອາຟຼິກາ.ປີ 2005,ມູນຄ່າການຄ້າລະຫວ່າງຈີນກັບອາຟຼິກາໄດ້ບັນລຸ 39 ຕື້ 800 ລ້ານໂດລາ,ໃນນັ້ນ,ການນຳເຂົ້າຈາກອາຟຼິກາມີ 21 ຕື້ 100 ລ້ານໂດລາ;ການພັດທະນາຂອງຈີນຍັງໄດ້ອຳນວຍໂອກາດປະກອບອາຊີບຫຼາຍກວ່າເກົ່າໃຫ້ແກ່ອາຟຼິກາ.ຕາມສະຖິຕິເບື້ອງຕົ້ນ,ນັບລວມແລ້ວ,ການລົງທຶນປະເພດຕ່າງໆຂອງຈີນຕໍ່ອາຟຼິກາໄດ້ບັນລຸ 6 ຕື້ 270 ລ້ານໂດລາ;ນອກນີ້,ຈີນຍັງໄດ້ຍົກເລີກໜີ້ສິນຂອງປະເທດທຸກຍາກທີ່ຕິດໜີ້ຈຳນວນຫຼວງຫຼາຍແລະປະເທດດ້ອຍພັດທະນາກວ່າໝູ່ຂອງອາຟຼິກາສ່ວນໜຶ່ງ,ແລະຍົກເວັ້ນພາສີຕໍ່ສິນຄ້າສ່ວນໜຶ່ງຂອງປະເທດດ້ອຍພັດທະນາກວ່າໝູ່ຂອງອາຟຼິກາທີ່ສົ່ງອອກມາຂາຍຢູ່ຈີນ.
ທ່ານຖາງເຈ່ຍສວນເວົ້າວ່າ,ໃນການຮ່ວມມືລະຫວ່າງຈີນກັບອາຟຼິກາເກີດມີບັນຫາຈຳນວນໜຶ່ງນັ້ນ,ມັນເປັນເລື່ອງທຳມະດາ,ແລະສາມາດແກ້ໄຂໃຫ້ຕົກໄປຢ່າງເໝາະສົມໂດຍຜ່ານຈາກການຮ່ວມມືແລະການຫາລືກັນ.
|
|
