|
|
 |
| (GMT+08:00)
2006-10-26 19:46:41
|
 |
|
ຝ່າຍຈີນຍິນດີຊຸກຍູ້ການພົວພັນຄູ່ຂາຍຸດທະສາດຮອບດ້ານລະຫວ່າງຈີນກັບເອີລົບລົງເລິກຂະຫຍາຍໄປໜ້າ
cri
Author: da
|
ຕາມຂ່າວCRI: ວັນທີ 26 ຕຸລາ ຢູ່ປັກກິ່ງ ທ່ານຫູຈິນທາວ ປະທານປະເທດຈີນໄດ້ເຈລະຈາກັບທ່ານຊີຣັກ ປະທານາທິບໍດີຝຣັ່ງທີ່ມາຢ້ຽມຢາມ,ທ່ານຫູຈິນທາວກ່າວວ່າ, ຈີນຍິນດີເກາະແຂນກັບປະເທດເອີລົບລວມທັງຝຣັ່ງ,ຊຸກຍູ້ການພົວພັນຄູ່ຂາຍຸດທະສາດຮອບດ້ານລະຫວ່າງຈີນກັບເອີລົບລົງເລິກຂະຫຍາຍໄປໜ້າ.
ໃນເວລາກ່າວເຖິງການພົວພັນລະຫວ່າງຈີນກັບຝຣັ່ງ,ທ່ານຫູຈິນທາວກ່າວວ່າ,ຈີນຍິນດີພ້ອມກັນກັບຝຣັ່ງ,ລົງເລິກພັດທະນາການຮ່ວມມືດ້ານເສດຖະກິດການຄ້າລະຫວ່າງສອງປະເທດ,ໂດຍສະເພາະແມ່ນຂົງເຂດພະລັງງານ ການບິນ ການບິນອະວະກາດ ແລະຄົມມະນາຄົມ,ຍົກລະດັບການຮ່ວມມືຂອງສອງຝ່າຍໃນຂົງເຂດໂທລະຄົມ ການບໍລິການດ້ານການເງິນແລະການອະນຸລັກສິ່ງແວດລ້ອມເປັນຕົ້ນໃຫ້ສູງຂຶ້ນ,ຍາດແຍ່ງເຮັດໃຫ້ເປົ້າໝາຍທີ່ຍອດມູນຄ່າການຄ້າຕໍ່ປີລະຫວ່າງສອງປະເທດບັນລຸ 40 ຕື້ໂດລາກ່ອນເວລາກຳນົດ.
ໃນການເຈລະຈາ ທ່ານຊີຣັກກ່າວວ່າ,ຄຳສັ່ງຫ້າມບໍ່ໃຫ້ຂາຍອາວຸດແກ່ຈີນຂອງສະຫະພາບເອີລົບບໍ່ສອດຄ່ອງກັບສະພາບການຂະຫຍາຍຕົວໃນປະຈຸບັນແຫ່ງການພົວພັນລະຫວ່າງສະຫະພາບເອີລົບກັບຈີນ,ຝຣັ່ງຈະສືບຕໍ່ຊຸກຍູ້ໃຫ້ສະຫະພາບເອີລົບຍົກເລີກຄຳສັ່ງນີ້ໂດຍໄວ.ຝຣັ່ງສະໜັບສະໜູນສະຫະພາບເອີລົບຮັບຮອງຖານະເສດຖະກິດຕະຫຼາດທີ່ສົມບູນຂອງຈີນ.ທ່ານກ່າວຢ້ຳວ່າ,ຝຣັ່ງປະຕິບັດນະໂຍບາຍຈີນດຽວຢ່າງເດັດດ່ຽວ,ຄັດຄ້ານ"ໄຕ້ຫວັນເປັນເອກະລາດ".
ຫຼັງຈາກການເຈລະຈາ ຜູ້ນຳສອງປະເທດໄດ້ເຊັນຖະແຫຼງການຮ່ວມຈີນຝຣັ່ງ,ກ່າວວ່າຈະເພີ່ມທະວີການຮ່ວມມືຢ່າງແໜ້ນແຟ້ນຕື່ມອີກພາຍໃນສະພາຄວາມໝັ້ນຄົງສະຫະປະຊາຊາດ,ເພື່ອແກ້ໄຂວິກິດການໃນເຂດແຄວ້ນເຊັ່ນການປະທະກັນຢູ່ລີບັງ ບັນຫານິວເຄຼຍອີຣານ ແລະບັນຫານິວເຄຼຍແຫຼມເກົາຫຼີເປັນຕົ້ນ. ຜູ້ນຳສອງປະເທດໄດ້ພ້ອມກັນເຂົ້າຮ່ວມພິທີລົງນາມໃນສັນຍາຮ່ວມມືລະຫວ່າງສອງປະເທດ,ສັນຍາດັ່ງກ່າວກ່ຽວພັນເຖິງ 14 ລາຍລານເຊັ່ນການຮ່ວມມືດ້ານອະວະກາດ ການພັດທະນາໂຄງການໄຟຟ້ານິວເຄຼຍ ຈີນຊື້ຍົນໂດຍສານແອບັດເປັນຕົ້ນ.
|
|
|
