|
ຕາມຂ່າວສານຊິນຮວາ:ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວຕ່າງປະເທດ,ທ່ານຈ໋າຍຈຸ້ນ ຜູ້ຊ່ອຍລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ຝ່າຍຈີນບໍ່ສາມາດຮັບເອົາຖ້ອຍຄວາມທີ່ວ່າ"ຈີນຊ່ອຍເຫຼືອອາຟຼິກາຢ່າງບໍ່ມີເງື່ອນໄຂນັ້ນບໍ່ມີຜົນດີຕໍ່ສະຖານະການອັນດີງາມຂອງອາຟຼິກາ"ບໍ່ໄດ້.ໃນເວລາດຳເນີນການພົວພັນກັບຕ່າງປະເທດ,ຈີນຍຶດໝັ້ນຫຼັກການບໍ່ແຊກແຊງວຽກງານພາຍໃນຂອງປະເທດອື່ນໂດຍຕະຫຼອດ.
ທ່ານຈ໋າຍຈຸ້ນຊີ້ອອກວ່າ,ຈີນບໍ່ຍິນດີໃຫ້ປະເທດອື່ນເອົາຄ່ານິຍົມ,ຮູບຖານຈິດສຳນຶກ,ຮູບແບການພັດທະນາຂອງຕົນມາບີບບັງຄັບຈີນ,ແລະຈີນກໍ່ບໍ່ເອົາຄ່ານິຍົມ ຮູບຖານຈິດສຳນຶກແລະຮູບແບບການພັດທະນາຂອງຕົນໄປບີບບັງຄັບປະເທດອື່ນເຊັ່ນດຽວກັນ.ສະນັ້ນ,ຈີນຊ່ອຍເຫຼືອອາຟຼິກາບໍ່ມີຂໍ້ຜູກມັດທາງການເມືອງໃດໆ.ທ່ານເວົ້າວ່າ,ຈີນຊ່ອຍເຫຼືອອາຟຼິກາເລັງໃສ່ການປັບປຸງຊີວິກາເປັນຢູ່ຂອງປະຊາຊົນອາຟຼິກາ,ແລະໄດ້ຮັບຄວາມຊົມເຊີຍຈາກປະເທດແລະປະຊາຊົນອາຟຼິກາ.
ນອກນີ້,ທ່ານຍັງຊີ້ອອກວ່າ,ການຮ່ວມມືລະຫວ່າງຈີນ-ອາຟຼິກາແມ່ນພາກສ່ວນອັນສຳຄັນຂອງການຮ່ວມມືໃນການພັດທະນາສາກົນ,ແມ່ນການຊ່ອຍເຫຼືອເຊິ່ງກັນແລະກັນລະຫວ່າງປະເທດພວມພັດທະນາພາຍໃຕ້ຂອບການຮ່ວມມືໃຕ້ໃຕ້,ບໍ່ແນໃສ່ຝ່າຍທີສາມ,ແລະກໍ່ບໍ່ຂົ່ມຂູ່ຜົນປະໂຫຍດຂອງປະເທດໃດອີກ.
|
