|
|
 |
| (GMT+08:00)
2006-10-28 20:08:18
|
 |
|
ຈີນກັບອິນໂດເນເຊຍຈະເພີ່ມທະວີການແລກປ່ຽນແລະການຮ່ວມມືດ້ານພະລັງງານ
cri
Author: cai
ຕາມຂ່າວສານຊີນຮວາ:ວັນທີ 28 ຕຸລາ,ເວທີປາໄສພະລັງງານຄັ້ງທີ 2 ຈີນ-ອິນໂດເນເຊຍໄດ້ຈັດຂຶ້ນຢູ່ນະຄອນຊຽງໄຮ້ຂອງຈີນ.ທ່ານຮວງຈູ ຮອງນາຍົກລັດຖະມົນຕີຈີນແລະທ່ານຊູຊີໂລ ບຳບາງ ຢູດໂຮໂຢໂນ ປະທານາທິບໍດີອິນໂດເນເຊຍໄດ້ເຂົ້າຮ່ວມເວທີປາໄສແລະກ່າວຄຳປາໄສ.
ໃນຄຳປາໄສ,ທ່ານຮວງຈູຊີ້ອອກວ່າ,ປີກາຍນີ້,ຈີນກັບອິນໂດເນເຊຍໄດ້ສ້າງການພົວພັນຄູ່ຮ່ວມມືຍຸດທະສາດຢ່າງເປັນທາງການ,ການພົວພັນລະຫວ່າງສອງຝ່າຍໄດ້ກ້າວເຂົ້າສູ່ໄລຍະໃໝ່.ການຮ່ວມມືດ້ານເສດຖະກິດທີ່ຕ່າງຝ່າຍຕ່າງມີຜົນປະໂຫຍດ,ແມ່ນພື້ນຖານອັນສຳຄັນຂອງການພົວພັນຄູ່ຮ່ວມມືຍຸດທະສາດລະຫວ່າງຈີນກັບອິນໂດເນເຊຍ.ການຈັດເວທີປາໄສພະລັງງານເທື່ອນີ້,ຈະສ້າງສະພາບແວດລ້ອມດີງາມກວ່າເກົ່າໃຫ້ແກ່ການເພີ່ມທະວີການແລກປ່ຽນແລະການຮ່ວມມືດ້ານພະລັງງານລະຫວ່າງສອງປະເທດ.
ທ່ານປະທານາທິບໍດີຊູຊີໂລເວົ້າວ່າ,ການຮ່ວມມືໃນຂົງເຂດພະລັງງານລະຫວ່າງຈີນກັບອິນໂດເນເຊຍມີກຳລັງບົ່ມຊ້ອນຫຼາຍ,ສອງຝ່າຍຄວນເລັ່ງລັດບາດກ້າວການຮ່ວມມືຕື່ມອີກ.
ຜູ້ແທນຂອງພາກສ່ວນຄຸ້ມຄອງພະລັງງານຂອງລັດຖະບານແລະຂອງວົງການວິສາຫະກິດຂອງສອງປະເທດ 250 ກວ່າຄົນໄດ້ເຂົ້າຮ່ວມເວທີປາໄສເທື່ອນີ້.
|
|
|
