|
|
 |
| (GMT+08:00)
2006-11-07 19:18:33
|
 |
|
ທ່ານຫູຈີນທ່າວຈະໄປຢ້ຽມຢາມ 4 ປະເທດອາຊີແລະເຂົ້າຮ່ວມກອງປະຊຸມອົງການເອເປັກ
cri
Author: cai
ຕາມຂ່າວCRI:ວັນທີ 7 ພະຈິກ,ຢູ່ປັກກິ່ງ,ນາງຈ່ຽງຢູ ໂຄສົກກະຊວງການຕ່າງປະເທດຈີນປະກາດວ່າ,ທ່ານຫູຈີນທ່າວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນຈະໄປຢ້ຽມຢາມ 4 ປະເທດອາຊີແລະເຂົ້າຮ່ວມກອງປະຊຸມອົງການເອເປັກ.
ນາງຈ່ຽງຢູເວົ້າວ່າ,ໂດຍຕອບສະໜອງການເຊື້ອເຊີນຂອງທ່ານຈູມມະລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດສາທາລະນະລັດປະຊາທິປະໄຕປະຊາຊົນລາວ,ທ່ານນົງດຶກແມ້ງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມແລະທ່ານແຫງວນມີນທິດ ປະທານປະເທດສາທາລະນະລັດສັງຄົມນິຍົມຫວຽດນາມ,ທ່ານຫູຈີນທ່າວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນຈະໄປຢ້ຽມຢາມທາງລັດຖະກິດຕໍ່ຫວຽດນາມແຕ່ວັນທີ 15 ຫາ 17 ພະຈິກແລະໄປຢ້ຽມຢາມທາງລັດຖະກິດຕໍ່ລາວແຕ່ວັນທີ 19 ຫາ 20 ພະຈິກ.
ໂດຍຕອບສະໜອງການເຊື້ອເຊີນຂອງທ່ານອັບດູນ ຄາລາມ ປະທານາທິບໍດີສາທາລະນະລັດອິນເດຍແລະທ່ານເປຣເວສ໌ ມູຊາຣາຟ ປະທານາທິບໍດີສາທາລະນະລັດອິສລາມປາກິສະຖານ,ທ່ານຫູຈີນທ່າວຈະໄປຢ້ຽມຢາມທາງລັດຖະກິດຕໍ່ອິນເດຍແຕ່ວັນທີ 20 ຫາ 23 ພະຈິກແລະໄປຢ້ຽມຢາມທາງລັດຖະກິດຕໍ່ປາກິສະຖານແຕ່ວັນທີ 23 ຫາ 26 ພະຈິກ.
ພ້ອມກັນນັ້ນ,ນາງຈ່ຽງຢູຍັງປະກາດວ່າ,ທ່ານຫູຈີນທ່າວຍັງຈະໄປເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳເອເປັກຄັ້ງທີ 14 ທີ່ຈະຈັດຂຶ້ນຢູ່ຮາໂນ້ຍແຫ່ງຫວຽດນາມແຕ່ວັນທີ 17 ຫາ 19 ພະຈິກ.
|
|
|
