ຕາມຂ່າວ​ສານຊິນ​ຮວາ:ຫວ່າງ​ມໍ່ໆນີ້,ງານ​ວາງສະ​ແດງ​ສິນຄ້າ​ແລະ​ການ​ທ່ອງ​ທ່ຽວ​ຢູ່ຊາຍ​ແດນ​ຈີນ​ປີ2006​ທີ່​ເມືອງ​ຕົ່ງ​ຊີ່​ງ​​ຂອງ​ຈີນ​ແລະ​ເມືອງ​ມອງ​ກາຍ​ຂອງ​ຫວຽດ​ນາມຮ່ວມ​ກັນ​ຈັດ​ຂຶ້ນ​ນັ້ນ​ໄດ້​ອັດ​ລົງ.ສະຖິຕິ​ສະ​ແດງ​ໃຫ້​ເຫັນ​ວ່າ,ນັບ​ລວມ​ແລ້ວ,ມູນ​ຄ່າ​ການ​ລົງທຶນ​ຂອງ​ໂຄງການ​ທີ່​ໄດ້​ເຊັນ​ກັນ​ໃນງານ​ວາງສະ​ແດງຄັ້ງ​ນີ້​ລື່ນ​ກາຍ100​ລ້ານ​ຢວນ.

ງານ​ວາງ​ສະ​ແດງ​ສິນຄ້າ​ແລະ​ການທ່ອງຄັ້ງນີ້​ມີ​ຫົວ​ຂໍ້ວ່າ"ຮ່ວມ​ມື​ທີ່ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ,ພ້ອມ​ກັນພັດ​ທະນາ​",​ໄດ້​ດຶງ​ດູດ​ວິ​ສາ​ຫະກິດ​ປະ​ເທດ​ແລະ​ເຂດ​ແຄວ້ນ​ຕ່າງໆ ​ເຊັ່ນ,​ແຜ່ນ​ດິນ​​ໃຫຍ່​ຈີນ,ຫວຽດ​ນາມ,ອົງ​ກິດ​ເປັນ​ຕົ້ນຈັດ​ຕັ້ງຄະນະ​ມາ​ເຂົ້າ​ຮ່ວມ​ງານ​ວາງສະ​ແດງ.​ໃນ​ໄລຍະ​ງານ​ວາງ​ສະ​ແດງ,ຍັງ​ຈະ​ຈັດການ​ເຄື່ອນ​ໄຫວຫົວ​ຂໍ້​ສະ​ເພາະ​ຕ່າງໆ ​ເຊັ່ນ,ງານ​ຕະ​ຫຼາດ​ນັດ​ຜະລິດ​ຕະພັນ​ທ່ອງ​ທ່ຽວ​ຈີນ​ຫວຽດນາມ​ແລະ​ການ​ທ່ຽວ​ຊາຍ​ແດນ​ຈີນ​ຫວຽດນາມ​ເປັນ​ຕົ້ນ.​ເຈົ້າ​ໜ້າ​ທີ່​ເມືອງ​ຕົ່ງ​ຊີ່​ງ​ແລະ​ເມືອງ​ມອງ​ກາຍຍັງ​ໄດ້ມີ​ຄວາມ​ຮັບ​ຮູ້​ຄື​ກັນກ່ຽວ​ກັບ​ການ​ເລັ່ງລັດ​ສ້າງ​ເສັ້ນ​ທາງ​ສາກົນ​ຈີນ​ຫວຽດນາມ​​ແລະ​ການ​ເພິ່ມ​ທະວີ​ການ​ຮ່ວມ​ມືຫຼາຍດ້ານ.