|
ຕາມຂ່າວສານຊິນຮວາ:ບົດລາຍງານໝາກຜົນເວທີປາໄສການລົງທຶນສະຫະພາບ-ອາຊີທີ່ປະກາດຢູ່ເຊີງຕູ່ງ ເມືອງພາກຕາເວັນຕົກສຽງໃຕ້ຂອງຈີນໃນວັນທີ7ພະຈິກສະແດງໃຫ້ເຫັນວ່າ,ສະຫະພາບເອີລົບພວມຕັ້ງໜ້າສະແຫວງຫາຍຸດທະສາດໃໝ່ການຄ້າຢູ່ອາຊີ,ສົ່ງເສີມວິສາຫະກິດຈີນກັບສະຫະພາບເອີລົບດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດກວ້າງຂວາງ.
ໃນເວລາໃຫ້ສຳພາດຕໍ່ນັກຂ່າວ,ທ່ານຣູດີ ຟິລົນ ເຈົ້າໜ້າທີ່ສຳນັກງານການພັດທະນາແລະການຮ່ວມມືຂອງຄະນະຜູ້ແທນສະຫະພາບເອີລົບປະຈຳຈີນກ່າວວ່າ,ການທີ່ຕ່າງຝ່າຍຕ່າງມີຜົນປະໂຫຍດຈະແມ່ນຈຸດໜັກທີ່ສະຫະພາບເອີລົບວາງນະໂຍບາຍການຄ້າຢູ່ຈີນ.ຫຼັງຈາກສະຫະພາບເອີລົບໄດ້ປະກາດເອກະສານນະໂຍບາຍຕໍ່ຈີນຢ່າງເປັນທາງການໃນວັນທີ24ຕຸລາ,ແລ້ວສະຫະພາບເອີລົບຍັງຈະປັບປຸງນະໂຍບາຍການຄ້າຢູ່ທົ່ວອາຊີຢ່າງທັນການ,ແລະປະກາດໃຊ້ນະໂຍບາຍແລະມາດຕະການອັນຕັ້ງໜ້າຕ່າງໆ.ຈິດໃຈຕົ້ນຕໍແມ່ນຢູ່ບົນພື້ນຖານການສົນທະນາ,ດຳເນີນການແລກປ່ຽນແລະການຮ່ວມມື,ຍາດແຍ່ງສະພາບແວດລ້ອມການແກ່ງແຍ່ງທີ່ຍຸດຕິທຳກວ່າເກົ່າ.
|
