ຕາມຂ່າວ​CRI:ວັນ​ທີ​21ພ​ະຈິກ,ຢູ່​ທີ່​ປັກ​ກິ່ງ,ອົງ​ການ​ສະ​ປະຊາ​ຊາດ​ເພື່ອ​ການ​ພັດທະນາ​ຫືຼ​UNDP ຮ່ວມ​ກັນ​ກັບ​ພາກ​ສ່ວນ​ຕ່າງໆ ​ເຊັ່ນ,ກະ​ຊວງ​ວິທະ​ຍາ​ສາດ​ເຕັກ​ນິກຈີນ​ແລະ​ກະ​ຊວງ​ການ​ຄ້າ​ຈີນເປັນ​ຕົ້ນຮ່ວມ​ກັນ​ເລິ່ມປະ​ຕິບັດ​"​ໂຄງ​ການ​ຫຼຸດ​ຜ່ອນ​ຄວາມ​ທຸກ​ຍາກ​ສີຂຽວ​ຈີນ".​ໂຄງການ​ດັ່ງກ່າວ​ຈະ​ຜ່ານ​ຈາກ​ເຕັກນິກ​ອະ​ນຸລັກ​ສິ່ງ​ແວດ​ລ້ອມ​ສີຂຽວ​ຊ່ອຍ​​ເຂດ​ຊົນ​ເຜົ່າ​ສ່ວນ​ໜ້ອຍ​ພາກ​ຕາ​ເວັນ​ຕົກ​ຂອງ​ຈີນ​ຫຼຸດ​ຜ່ອນ​ຄວາມທຸກ​ຍາກ,​ແລະ​ປົວ​ແປງ​ສິ່ງ​​ແວດ​ລ້ອມ​ຊີວິດ​ການ​ເປັນ​ຢູ່​ທີ່​ອ່ອນ​ແອ​ຂອງ​ເຂດ​ດັ່ງ​ກ່າວ.

ໂຄງ​ການ​ດັ່ງກ່າວ​ຈະ​ລົງທຶນ​ປະ​ນາມ8ລ້ານ5​ແສນ8​ໝື່ນໂດ​ລາ​ໃນ5​ປີຂ້າງ​ໜ້າ,ຊ່ອຍ​ຊາວ​ກະສິ​ກອນ​ຂອງ5​ແຂວງ​ແລະ​ເຂດ​ປົກ​ຄອງ​ຕົນ​ເອງຂອງ​ຈີນ ຄື,​ແຂວງ​ເຊ​ສວນ,​ແຂວງ​ກຸ້ຍ​ໂຈ່​ວ,​ແຂວງ​ຢຸນນານ,​ເຂດ​ຊິ່ນ​ຈ່ຽງ​ແລະ​ເຂດ​ມົງ​ໂກ​ໃນ​ພັດທະ​ນານ້ຳ​ມັນ​ກາ​ຊວນ​ຊີວະ​ສາດ,ປູກພືດ​ຊະນິດ​ຕ່າງໆ​ທີ່​ສາ​ມາດ​ໃຊ້​ມາ​ເປັນວັດຖຸ​ດິບ​ເພື່ອ​ເຮັດ​ຢາ​ພື້ນ​ເມືອງ,​ແລະ​ສະ​ໜອງ​ເຄື່ອງ​ຜະລິດ​ໄຟຟ້າ​ດ້ວຍ​ກຳ​ລັງແຮງ​ລົມຂະ​ໜາດ​ນ້ອຍ​ໃຫ້​ແກ່​ຊາວ​ລ້ຽງສັດ.

ພາຍ​ໃຕ້​ຄວາມ​ພະຍາຍາມ​ຂອງ​ລັດຖະ​ບານ​ຈີນ,ປັດຈຸ​ບັນ,ປະຊາ​ກອນ​ທຸກ​ຍາກ​ຂອງ​ຈີນ​ໄດ້​ຫຼຸດ​ລົງ​ເຄິ່ງ​ໜຶ່ງ​​ເມື່ອທຽບ​ກັບ​ປີ1990,​ແຕ່​ຍັງ​ມີ23​ລ້ານ​ຄົນ​ດຳລົງ​ຊີວິດ​ໃຕ້​"​ລະດັບ​ທຸກ​ຍາກ"​.ພາກ​ຕາ​ເວັນ​ຕົກ​ຂອງ​ຈີນ​ພວມ​ປະ​ເຊີນ​ກັບສິ່ງ​ທ້າ​ທາຍ​ສອງ​ຢ່າງ ຄື,ຄວາມທຸກ​ຍາກ​ແລະ​ສິ່ງ​ແວດ​ລ້ອມ​ຊີ​ວະ​ພາບ​ຊຸດ​ໂຊມ​ລົງ.