ຕາມ​ຂ່າວສານ​ຊິນ​ຮວາ:ວັນ​ທີ21​ພະຈິກ,​ໃນ​ກອງ​ປະຊຸມ​ຂ່າວ​ທີ່​ຈັດ​ຂຶ້ນ​ຢູ່​ທີ່​ປັກ​ກິ່ງ,ທ່ານ​ຊາ​ມົວ ​​​ໂຄ​​ເປຍ ຜູ້ອຳ​ນວຍການ​ໃຫຍ່​ສະຫະ​ພັນ​ສາດ​ສະໜາ​ຄຼິສ​ຕຽນ​ໂລກທີ່​ພວມ​ຢ້ຽມ​ຢາມ​ຈີນກ່າວ​ວ່າ,​ການ​ຢ້ຽມຢາມ​ຂອງ​ເພິ່ນ​ຢູ່​ຈີນ​ມີອິດສະ​ຫຼະຫຼາຍ,ບໍ່​​ໄດ້​ຖືກ​ຈຳກັດ​ຫຍັງ.

ໃນ​ເວລາ​ຕອບ​ຄຳ​ຖາມ​ຂອງ​ນັກ​ຂ່າວ​ກ່ຽວ​ກັບ​ໄດ້​ພົບ​ເຫັນ​​ເສລີ​ພາບ​ໃນ​ການ​ເຊື່ອ​ຖື​ສາດ​ສະ​ໜາ​ຖືກກົ​ດໜີບຫຼື​ບໍ່​ນັ້ນ,ທ່ານ​ໂຄ​ເປຍ​ກ່າວ​ວ່າ,​ເນື່ອງ​ຈາກ​ການ​ເດີນທາງມີ​ລັກ​ສະ​ນະ​​ເປີດ​ກວ້າງ,ການ​ສົນ​ທະນາ​ແບບມີ​ອິດ​ສະຫຼະ​ລະຫວ່າງ​ທ່ານ​ກັບຄລິດ​ຕະສາ​ສະນິ​ກະ​ຊົນຂອງ​ຈີນ​ບໍ່​ໄດ້ຢຸດ​ສະ​ງັກ​ຕະຫຼອດ​ມາ,ທ່ານ​ບໍ່​ໄດ້​ພົບ​ເຫັນ​ຈີນ​ມີ​ບັນຫາທີ່​ຄ້າຍຄື​ກັນ.ທ່ານ​ໂຄ​ເປຍ​ກ່າວ​ວ່າ,ທ່ານ​ມີ​ພາບ​ປະ​ທັບ​ໃຈທີ່​ລືມ​ບໍ່​ລົງ​ຕໍ່​ຄວາມ​ພະຍາ​ຍາມ​ຂອງ​ຈີນ​ທີ່​ພວມ​ສ້າງສາ​ສັງຄົມ​ກົມກຽວ​ກັນ,​ໃນ​ນັ້ນ,ສັງຄະ​ສະມາຄົມ​ຄຼິສຕຽນ​ຂອງ​ຈີນກໍ່​ໄດ້​ເສີມ​ຂະຫຍາຍ​ບົດບາດ​ສຳຄັນ.ທ່ານ​ເຫັນ​ວ່າ,ຄວາມ​ພະຍາ​ຍາມ​ດັ່ງກ່າວ​ສາມາດ​ສະ​ໜອງ"ຮູບ​ແບບ​ສຳຄັນ"ຊະນິດ​ໜຶ່ງ,ມາກຳ​ຈັດ​ຄວາມ​ທຸກ​ຍາກ​ແລະ​ບັນລຸ​ການພ້ອມ​ກັນ​ພັດ​ທະນາ.