ຕາມ​ຂ່າວສານ​ຊິນ​ຮວາ:ວັນ​ທີ23 ພະຈິກ,ຢູ່​ປັກ​ກິ່ງ,ທ່ານ​ລິວ​ຈ່ຽນ ຮອງ​ຫົວໜ້າ​ໜ່ວຍ​ຜູ່​ນຳ​ທີ່​ຫຼຸດ​ຜ່ອນ​ຄວາມ​ທຸກ​ຍາກ​ຂອງ​ຄະນະ​ລັດຖະບານ​ຈີນ​ກ່າວ​ວ່າ,​ໃນ​5​ປີ​ຂ້າງ​ໜ້າ​ນີ້,ຈຸດ​ໝາຍ​ລວມ​ຂອງ​ວຽກ​ງານ​ຫຼຸດ​ຜ່ອນ​ຄວາມ​ທຸກ​ຍາກ​ຂອງ​ຈີນ​ແມ່ນ​ສືບ​ຕໍ່​ຫຼຸດ​​ຈຳ​ນວນ​ຄົນ​ທຸກ​ຍາກ​ໃຫ້​ໜ້ອຍ​ລົງ,​ປັບ​ປຸງ​ໝາກ​ຜົນ​ຂອງ​ການ​ຫຼຸດ​ຜ່ອນ​ຄວາມ​ທຸກ​ຍາກ,​ພະ​ຍາ​ຍາມ​ຊຸກ​ຍູ້​ສັງ​ຄົມ​ໃຫ້​ກົມ​ກຽວ​ກັນ.

ທ່ານ​ລິວ​ຈ່ຽນກ່າວ​ວ່າ,​ໃນ5ປີ​ຂ້າງໜ້າ​ນີ້,ຈີນ​ຈະ​ສືບ​ຕໍ່​​ເພີ່ມ​ທະວີ​ການ​ລົງ​ທຶນ​ພັດ​ທະ​ນາ​ເຂດ​ທຸກ​ຍາກ,ພະຍາຍາມ​ປົວ​ແປງ​ເງື່ອນ​ໄຂ​ການຜະລິດ​ແລະ​ຊີ​ວິດ​ການ​ເປັນ​ຢູ່ຂອງ​ເຂດ​ທຸກ​ຍາກ​;​ແກ້​ໄຂ​ບັນຫາ​ກິນ​ອີ່ມ​ນຸ່ງ​ອຸ່ນ​ຂອງ​ຄົນ​ທຸກ​ຍາກ​ສ່ວນ​ຫຼາຍ​ແລະ​ສຳ​ເລັດ​ແຜນ​ການ​ຫຼຸດ​ຜ່ອນ​ຄວາມ​ທຸກ​ຍາກ​ທົ່ວ​ບ້ານ​ໃນ​ບ້ານ​ທຸກ​ຍາກ1​ແສນ​4​ໝື່ນ​8​ພັນ​ແຫ່ງ.

ຂໍ້​ມູນ​ສະ​ແດງ​ໃຫ້​ເຫັນ​ວ່າ,ປັດຈຸບັນ,ຄົນທຸກ​ຍາກ​ຢູ່​ຊົນນະບົດ​ຈີນ​ທີ່​ບໍ່​ທັນ​ໄດ້ແກ້​ໄຂ​ບັນຫາ​ກິນ​ອີ່ມ​ນຸ່ງ​ອຸ່ນ​ໄດ້​ຫຼຸດ​ໜ້ອຍ​ລົງ​ຮອດ​23​ລ້ານ​6​ແສນ​5​ໝື່ນ​ຄົນ,​​ເຂົາ​ເຈົ້າ​ສ່ວນ​ຫຼາຍ​ຢູ່​ເຂດ​ທີ່​ເງື່ອນ​ໄຂ​ຜະລິດ​ແລະ​ຊີວິດ​ການ​ເປັນ​ຢູ່ຍິ່ງ​ທຸກ​ຍາກ,​ສະ​ນັ້ນ,​ຫຼຸດ​ພົ້ນ​ຄວາມ​ທຸກ​ຍາກ​ຈະ​ຍາກ​ກວ່າ.