|
|
 |
| (GMT+08:00)
2006-11-28 21:16:57
|
 |
|
ຈີນຈະເສີມຂະຫຍາຍບົດບາດສຳຄັນກວ່າເກົ່າໃນວຽກງານຕ້ານການຟອກເງິນແລະຕ້ານການລະດົມທຶນຂອງພວກກໍ່ການຮ້າຍສາກົນ
cri
Author: shuo
ຕາມຂ່າວCRI:ວັນທີ28ພະຈິກນີ້,ຢູ່ທີ່ຊຽງໄຮ້,ທ່ານຊ້ຽງຈຸ້ນປໍ່ ຮອງຜູ້ວ່າການທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນກ່າວວ່າ,ຈີນຈະສຸມກຳລັງເຂົ້າໃນການເສີມຂະຫຍາຍບົດບາດສຳຄັນກວ່າເກົ່າໃນວຽກງານຕ້ານການຟອກເງິນແລະຕ້ານການລະ ດົມທຶນຂອງພວກກໍ່ການຮ້າຍສາກົນ.
ໃນເວລາເຂົ້າຮ່ວມງານສຳມະນາທີ່ກ່ຽວຂ້ອງຄັ້ງໜຶ່ງທີ່ຈັດໂດຍອົງການສາກົນຕ່າງໆ ເຊັ່ນ ໜ່ວຍງານພິເສດກິດຈະກຳທະນາຄານເປັນຕົ້ນ,ທ່ານຊ້ຽງຈຸ້ນປໍ່ເວົ້າວ່າ,ຈີນພວມຕັ້ງໜ້າເຂົ້າຮ່ວມໜ່ວຍງານພິເສດກິດຈະກຳທະນາຄານ ເຊິ່ງເປັນອົງການຕ້ານການຟອກເງິນແລະຕ້ານການລະດົມທຶນຂອງພວກກໍ່ການຮ້າຍສາກົນຢ່າງເປັນທາງການ.ທ່ານເວົ້າວ່າ,ຈີນເຂົ້າຮ່ວມອົງການນີ້,ມີຜົນດີຕໍ່ການເປີດກວ້າງການຮ່ວມມືລະຫວ່າງຊາດໃນການຕ້ານການຟອກເງິນແລະໃຫ້ລົງສູ່ລວງເລິກ.
ຕາມໄດ້ຊາບ,ໜ່ວຍງານພິເສດກິດຈະກຳທະນາຄານຈະລົງມະຕິໃນເດືອນມິຖຸນາປີ2007ກ່ຽວກັບການຮັບເອົາຈີນເຂົ້າຮ່ວມອົງການດັ່ງກ່າວຢ່າງເປັນທາງການ.
|
|
|
