|
ຈີນປະກາດລາຄາປີ້ເຂົ້າຊົມງານກິລາໂອລິມປິກປັກກິ່ງ
cri
ຕາມຂ່າວສານຊິນຮວາ,ວັນທີ29ພະຈິກນີ້,ຈີນໄດ້ປະກາດລາຄາປີ້ເຂົ້າຊົມງານກິລາໂອລິມປິກປັກກິ່ງປີ2008,ລາຄາປີ້ເຂົ້າຊົມກາຍເຄິ່ງໜຶ່ງຕ່ຳກວ່າ100ຢວນ.
ຄະນະກຳມະການຈັດຕັ້ງງານກິລາໂອລິມປິກປັກກິ່ງກ່າວວ່າ,ຈີນແມ່ນປະເທດພວມພັດທະນາ,ລາຍໄດ້ຂອງປະຊາຊົນຍັງຂ້ອນຂ້າງຕ່ຳຢູ່,ສະນັ້ນ,ເມື່ອທຽບໃສ່ງານກິລາໂອລິມປິກຫຼາຍຄັ້ງເມື່ອກ່ອນ,ລາຄາປິ້ເຂົ້າຊົມງານກິລາໂອລິມປິກປັກກິ່ງໄດ້ຖືກກວ່າຢ່າງຫຼວງຫຼາຍ.ປີ້ເຂົ້າຊົມພິທີໄຂງານກິລາໂອລິມປິກປັກກິ່ງ, ຕ່ຳສຸດ200ຢວນ,ສູງສຸດ5000ຢວນ.ປີ້ເຂົ້າຊົມພິທີປິດງານ ຕ່ຳສຸດ150ຢວນ,ສູງສຸດ3000ຢວນ.ປີ້ເຂົ້າຊົມການແຂ່ງຂັນຕ່ຳສຸດພຽງ30ຢວນ,ສູງສຸດ1000ຢວນ.
ນອກນີ້,ຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ເອົາປີ້ລາຄາພິເສດສ່ວນໜຶ່ງໄວ້ເພື່ອສົ່ງເສີມຊາວໜຸ່ມເຍົາວະຊົນຈີນໄປຊົມການແຂ່ງຂັນຢູ່ສະໜາມກິລາ.
ປີເຂົ້າຊົມງານກິລາໂອລິມປິກປັກກິ່ງລວມທັງໝົດມີ7ລ້ານກວ່າໃບ,ຈະຈຳໜ່າຍລ່ວງໜ້າຢູ່ຈີນແຕ່ຫົກເດືອນຕົ້ນປີ2007ເປັນຕົ້ນໄປ.
|
|
