|
ຈີນສປປເກົາຫຼີແລະອາເມລິກາເຫັນດີຮ່ວມກັນພະຍາຍາມເພື່ອຍາດແຍ່ງໃຫ້ຈັດການເຈລະຈາຫົກຝ່າຍຮອບໜ້າໂດຍໄວເທົ່າທີ່ຈະໄວໄດ້
cri
ຕາມຂ່າວCRI,ວັນທີ29ພະຈິກນີ້,ກະຊວງການຕ່າງປະເທດຈີນແຈ້ງຂ່າວວ່າ,ວັນທີ28ແລະວັນທີ29ພະຈິກນີ້,ຫົວໜ້າຄະນະຜູ່ແທນເຈລະຈາຫົກຝ່າຍຂອງຈີນ.ສປປເກົາຫຼີແລະອາເມລິກາໄດ້ຈັດການພົບປະກັນຢ່າງບໍ່ເປັນທາງການ.ສາມຝ່າຍເຫັນດີພະຍາຍາມເພື່ອຍາດແຍ່ງໃຫ້ການເຈລະຈາຫົກຝ່າຍໄລຍະຕໍ່ໄປຈັດຂຶ້ນໂດຍໄວເທົ່າທີ່ຈະໄວໄດ້ແລະໃຫ້ໄດ້ຮັບຄວາມຄືບໜ້າອັນຕັ້ງໜ້າ.
ຂ່າວແຈ້ງວ່າ,ສາມຝ່າຍຄືຈີນ,ສປປເກົາຫຼີແລະອາເມລິກາໄດ້ປຶກສາຫາລືກັນລະຫວ່າງສາມຝ່າຍຫຼືສອງຝ່າຍຫຼາຍເທື່ອ,ແລກປ່ຽນຄວາມເຫັນຢ່າງກົງໄປກົງມາແລະເລິກເຊິ່ງກ່ຽວກັບການຊຸກຍູ້ການເຈລະຈາຫົກຝ່າຍ,ແລ້ວໄດ້ເພີ່ມຄວາມເຂົ້າໃຈກັນ.
|
|
