|
ສູນກາງພັກກອມມູນິດຈີນຮຽກຮ້ອງໃຫ້ພະຍາຍາມເຕົ້າໂຮມສະຕິປັນຍາແລະກຳລັງວັງຊາຂອງທຸກຝ່າຍໃນສັງຄົມເຂົ້າໃນການຊຸກຍູ້ການພັດທະນາເສດຖະກິດແຫ່ງຊາດ
cri
ຕາມຂ່າວສານຊິນຮວາ,ຫວ່າງກ່ອນນີ້ບໍ່ດົນ, ສູນກາງພັກກອມມູນິດຈີນໄດ້ປະກາດເອກະສານ,ຮຽກຮ້ອງໃຫ້ພະຍາຍາມເຕົ້າໂຮມສະຕິປັນຍາແລະກຳລັງວັງຊາຂອງທຸກຝ່າຍໃນສັງຄົມເຂົ້າໃນການຊຸກຍູ້ໃຫ້ເສດຖະກິດແຫ່ງຊາດພັດທະນາຢ່າງຕໍ່ເນື່ອງວ່ອງໄວແລະປອດໃສ.
ເອກະສານສະບັບນີ້ຊີ້ອອກວ່າ,ຕ້ອງສືບຕໍ່ກໍ່ສ້າງພັນທະມິດອັນກວ້າງຂວາງທີ່ສຸດທີ່ປະກອບດ້ວຍຜູ່ອອກແຮງງານສັງຄົມນິຍົມທຸກຖ້ວນໜ້າ,ຜູ່ຮັກຊາດທີ່ສະໜັບສະໜູນສັງຄົມນິຍົມແລະຜູ່ຮັກຊາທີ່ສະໜັບສະໜູນການທ້ອນໂຮມປະເທດຊາດເປັນເອກະພາບກັນ,ເຮັດໃຫ້ພັກກອມມູນິດຈີນກັບບັນດາພັກຝ່າຍປະຊາທິປະໄຕແລະບຸກຄົນທີ່ບໍ່ສັງກັດພັກໃດໆສາມັກຄີກັນຍິ່ງແໜ້ນແຟ້ນກວ່າເກົ່າ,ການພົວພັນລະຫວ່າງຊົນເຜົ່າຕ່າງໆຍິ່ງກົມກຽວກວ່າເກົ່າ,ການພົວພັນລະຫວ່າງຊົນຊັ້ນຕ່າງໆໃນສັງຄົມໃຫ້ກົມກຽວກວ່າເກົ່າ,ສາສະໜາກັບສັງຄົມສັງຄົມນິຍົມສອດຄ່ອງກັນກວ່າເກົ່າ,ການພົວພັນລະຫວ່າງພີ່ນ້ອງຮ່ວມຊາດແຜ່ນດິນໃຫຍ່ກັບພີ່ນ້ອງຮ່ວມຊາດຮົງກົງ,ມາກາວ,ພີ່ນ້ອງຮ່ວມຊາດໄຕ້ຫວັນ,ຈີນຕ່າງດ້າວຍິ່ງສະໜິດແໜ້ນກວ່າເກົ່າ.
ເອກະສານຍັງຊີ້ອອກເປັນພິເສດວ່າ,ຊັ້ນຄົນໃນສັງຄົມໃໝ່ທີ່ເກີດຂຶ້ນນັບແຕ່ຈີນປະຕິຮູບແລະໄຂປະຕູສູ່ພາຍນອກມານີ້,ຕົ້ນຕໍແມ່ນນັກທຸລະກິດເອກະຊົນແລະນັກຮຽນຮູ້ທີ່ປະກອບອາຊີບຢ່າງເສລີ.ພວກເຂົາເຈົ້າແມ່ນຜູ່ກໍ່ສ້າງພາລະກິດສັງຄົມນິຍົມທີ່ມີສີສັນພິເສດຂອງຈີນ,ຕ້ອງເສີມຂະຫຍາຍບົດບາດຂອງພວກເຂົາເຈົ້າຢ່າງເຕັມສ່ວນ.
|
|
